酒鍋 (天文臺道) (已結業)

装修够时尚有特色地方宽敞，仲有大落地玻璃露台，入到去已经被环境吸引值得加分。点咗个招牌五式锅一次过试晒五个不同汤底，蕃茄汤底有半只龙虾，中间个木瓜海鲜好清甜可以当汤饮😋，本人特别钟意响铃汉堡、黑松露云吞、手切牛颈脊肥瘦适中，挂架小牛排比其他餐厅切厚口感更正，整体食物有惊喜。最重要坐到12点都唔赶你走，今时今日每间餐厅都10:00 闩门真系好扫兴。原来餐厅有好多间大房最多可坐廿几人仲有卡拉ok，佢哋张枱喺特制适合一大班人齐打边炉，下次可以一家人试下。