湯直送 (已結業)

之前见到汤直送FB，秋冬起最啱饮炖汤，作为人事部嘅我决定喺今日公司下午茶嗌比同事试吓（其实系自己想试！）我叫咗杏汁炖猪肺，呢个汤功夫非常多又烦，喺屋企真系唔会做，今次大好机会一定要试！打开盒盖，内有干坤，原来仲有保鲜纸包住内碗，搣开保鲜纸，好香嘅杏汁味道，试一啖，仲系热嘅，杏仁味重！再试猪肺，好淋好易咬开，又无内脏果种「益」味，好正又足料！见到隔离同事叫炖白鸽，有成只白鸽脾，又有原粒干𦾾柱，六十几蚊一盅真系唔贵，最重要系各位同事都好欣赏，下次又可以试吓其他！喺 app 订仲可以见到工场现场直播，无返咁上下整洁干净嘅环境又点敢比大家睇，所以完全好放心食。另外因为突发事马路封咗，辛苦晒送汤嘅哥哥仔要行几条街送上门，感激！