漁品酸菜魚火鍋放題 (已結業)

太耐冇得上深圳食烤鱼，肥仔老豆就建议去大围呢间渔品酸菜鱼火锅放题餐厅，佢话之前同兄弟试过午餐都不错一坐低店员就开炉，炉入面系清水，原来系俾我地用黎洗碗，本身碗筷都干干净净，不过仲系疫情期间，所以洗洗再安心，不得不赞餐厅真系好干净，地面唔滑，唔似一般放题店地面又油又滑两个人点咗条香辣味烤鱼，再加豆腐同鱼腐，锅上枱先知原来烤鱼之余仲有蜂巢豆腐、莲藕、薯仔、鸭血等等既配料，非常划算烤鱼系马来西亚既沙巴，肉质真系同一般餐厅既唔同，鱼肉系又弹牙又爽口，虽然汤底重口味，但都唔会盖过沙巴既鲜味，食得咁重口味既野就一定会好口渴，汽水都只系$6罐，非常实惠全餐埋单$520，食到我地两个大肥仔捧住个肚走。