臺坊 (加拿分道) (已結業)

盐焗鸡丝肉燥饭 $54 卖相似台式便当，堂食都系用即弃餐具，鸡肉嫩滑，肉燥味道几好，唔错唔错。盐酥鸡冷面配胡麻酱 $54 有青瓜蟹柳丝加埋胡麻酱好似食紧日式沙律咁，拌冷面都几夹，几件盐酥鸡都脆口又够味。见到枱上有樽麻辣油（望落似xo酱），加落饭同面都提升左个食物味道，中麻小辣几正。跟餐配小食麻辣海蜇鸡柳 $25，感觉系海蜇加左肉燥饭个鸡肉，冷面个青瓜蟹柳同埋枱上果樽麻辣油，哈哈。好食既，如果海蜇冻啲会更加正，鸡肉都几多。饮品加$6，叫左珍珠奶茶 同小麦胚芽奶茶，珍珠就好韧，似未煮熟咁，扣分，小麦胚芽就无乜特别。整体食物性价比可接受，唔算系惊为天人，但返到台湾家乡前可以止下渴先。