端記茶樓

营业中

休息中

蔡生介绍过有间茶庄位于荃湾川龙村，风景优美，古色古香！仲要用料新鲜，山水泡茶！我呢个为食妹有咩可能唔去试先！我地坐咗喺一楼，外面系全山景嚟架！雀笼挂喺度既场面，恐怕连你与我都几乎遗忘咗小时候曾经喺茶楼见过喇！自助形式---自己攞碗攞筷子，自已窟茶叶同冲茶！山水茶--都算唔错啦！点心都系自助形式去攞架！冇牌有价钱，总之你睇啱就攞啦！炸物柜，钟意食咩？适随尊便.... 鹌鹑蛋烧卖，系我食过暂时最好食既一间！佢d猪肉系人手''朵''碎架...味道分明！去到一定要食呀 菜饺d皮太厚喇，唔好食 芋角--又系一样不可不试既点心！虽然味道偏咸，但系个芋泥真系好足料同好香！ 蒸肉排，我好钟意呀！因为一d都唔肥！佢全部都系瘦肉嚟架，所以啱我！但系爱半肥瘦既你就未必啱喇！ 银针粉--味道系ok既，可惜冻咗d 炸虾角--亦系我食最好食既一间！成只都系虾，又弹牙又爽口！真系好好味！不过都系𠮶句，可惜冻咗 山水豆腐花，好滑---呢个都要自己窟架，一定要食呀！可以喺大自然既环境叹茶，其实都系人生一大乐事嚟架！平时系市区咁繁忙，嚟呼吸下新鲜空气都唔错！饮完茶仲可以去下面条小溪度玩下水影下相！不过各位要