鼎皇臭臭鍋 (已結業)

今日放工之后，去左尖沙嘴食鼎皇臭臭锅养生锅。入到去，环境十分干净企理，仲有D小摆设添，令人觉得好舒适。来到呢度紧系叫番个招牌臭臭锅同羊肉🐑养生锅啦。外加两杯野饮，一杯冻热情果芒果梳打同一杯热嘅奶绿。臭臭锅入面食材丰富，有黑豚肉，米血糕，🐷大肠，鸭血⋯米血糕烟烟韧韧，吸收左汤的精华，好惹味。鸭血够爽口，最好味嘅就紧系个臭豆腐啦，非常入味，口感厚实。个🐑肉锅的汤底药材味够香但唔会话太浓，羊肉片新鲜，肉质嫩滑，无乜膻味，配合埋大量的蔬菜，至啱乐于养生嘅你。不得不提个奶绿，实在拍得住出面D饮品店👍🏻热情果味浓，冰冻透心凉，为热辣辣🌞嘅夏天降一降温🌡