順記潮州飯店 (已結業)

潮汕菜一向系我同女友嘅挚爱，一谂起煎蚝烙、卤水鹅、各种鱼饭、石榴虾、豆酱鸡.....就不期然流晒口水..琴晚同女友嚟呢度撑枱脚，女友从来无嚟过，自己就好耐之前食过，依家连店名都改咗叫私房菜，但实际上跟以前无乜分别。自己之所以拣呢度无非都系想食佢独一无二嘅猪头粽，呢样用猪头肉制成肉冻嘅传统潮汕冷盘，真系唔系处处有得食，因为好花功夫。食落有浓浓嘅五香味，无得顶...再嚟一个蚝烙，卖相不同一般货色，唔系煎成一块大饼状嘅物体，而系一块块好似蛋角咁，蚝仔大大只，味道较淡，主要原因系因预咗你会点鱼露所以调得淡D，最最重要系唔知点解师傅可以将佢煎得咁干身，碟底油量极之少，可见师傅功力之深，无得顶...压轴好戏竟然系埋尾嘅沙爹芥兰炒牛肉，一捧上枱时己知不得了--- 沙爹味浓郁，望落芥兰颜色极之翠绿，食落极之爽口，明符其实嘅索索声；牛肉品质极靓，又炒得刚熟，食落无渣；沙爹香而不辣，三者配合得天衣无缝，成碟差唔多俾我一个人扫晒，无得顶...两个人加埋都只系食咗百一蚊，哗!!!以后无得食点算ar...可以讲响九龙城继创发之后另一挚爱潮汕菜馆..^_^