影片
更多
2023-09-03
2592 浏览
咁啱book左打风之后嘅Buffet dinner, confirm booking嘅时候餐厅讲咗送唔到海胆过嚟所以当晚无海胆供应，少一样好野但就无另一样嚟代替，我觉得系对食客唔公道，无heart啰。入座睇完d野食已觉得唔对路，冻龙虾碎上我第一次见buffet 会咁做，好肉酸呀⋯⋯而且又咸又霉完全无鲜味，雪场蟹脚味道都系一样好难食呀。翡翠螺蓝青口无食，唯一食得过嘅系生蚝，但劲孤寒，一定要见d人攞到净返一两只先refill。鱼生方面有三文鱼，吞拿鱼，希灵鱼，甜虾，都系一样雪味重唔新鲜，d甜虾幼过条蚯蚓。佛手瓜猪骨螺头汤，得个咸字，我饮唔出材料嘅味道，另一款杂菌忌廉汤，又系得个咸字，无杂菌嘅味道而且系花园𠮶只忌廉嚟，原来酒店都会整到呢个味出嚟。铁板烧有鸡扒，羊架肠仔牛柳粒，羊架唔俾薄荷酱孤寒，牛柳粒叫好少少有d牛肉味，肠仔口感硬而且味道奇怪，以前有鹅肝而家冇了，失败，另外有一个芝士黑松露炒意粉，呢个反而几好味。甜品简直惨不忍睹，芒果布甸芒果系淤黑色见到都唔敢食，另外仲有几款蛋糕，全部都系睇个样都冇兴趣攞，屋企人试晒咁多款都话冇一款好食，唯一系有豆腐花同罐头杂果凉粉叫做ok, 之后再出一个杂
入座睇完d野食已觉得唔对路，冻龙虾碎上我第一次见buffet 会咁做，好肉酸呀⋯⋯而且又咸又霉完全无鲜味，雪场蟹脚味道都系一样好难食呀。翡翠螺蓝青口无食，唯一食得过嘅系生蚝，但劲孤寒，一定要见d人攞到净返一两只先refill。
鱼生方面有三文鱼，吞拿鱼，希灵鱼，甜虾，都系一样雪味重唔新鲜，d甜虾幼过条蚯蚓。
佛手瓜猪骨螺头汤，得个咸字，我饮唔出材料嘅味道，另一款杂菌忌廉汤，又系得个咸字，无杂菌嘅味道而且系花园𠮶只忌廉嚟，原来酒店都会整到呢个味出嚟。
铁板烧有鸡扒，羊架肠仔牛柳粒，羊架唔俾薄荷酱孤寒，牛柳粒叫好少少有d牛肉味，肠仔口感硬而且味道奇怪，以前有鹅肝而家冇了，失败，另外有一个芝士黑松露炒意粉，呢个反而几好味。
甜品简直惨不忍睹，芒果布甸芒果系淤黑色见到都唔敢食，另外仲有几款蛋糕，全部都系睇个样都冇兴趣攞，屋企人试晒咁多款都话冇一款好食，唯一系有豆腐花同罐头杂果凉粉叫做ok, 之后再出一个杂果啫喱，硬到切到切唔入鱼胶粉多到不得了，衰过d酒楼啫喱，另外仲有一个疏乎厘，每次都好多人排队，但除咗食到白砂糖味就冇了。雪糕只有movenpick,无人地po出嚟咁有几个牌子可以拣。
饮品自助形式有咖啡柠茶柠水，有可乐但系唔系汽水机斟出嚟，系用果汁嘅玻璃樽装住，可想而知系完全唔会有气嘅汽水，真垃圾！
仲有一样嘢想讲就系，个8点零钟嘅时候，佢哋嘅员工就开始攞碗出嚟攞野食，我当时觉得点解好似变咗员工食堂咁样？真系好奇怪。
我想话如果冇心做嘅，不如折埋佢啦，每位折咗都要$500，唔系特别平，点解要客人有个咁差嘅酒店自助餐体验？
生蚝
$500
33 浏览
1 赞好
0 留言
张贴
