影片
更多
2012-05-24
4 浏览
今晚有事办要来太子一趟, 因肚仔饿, 但好急赶无时间慢慢食晚餐所以谂住食少少嘢顶肚先, 夜啲再食过, 我俩就选择了最近地铁的京川沪, 之前在某周刊的'壹盘生意'专栏看到介绍这间店, 记得记者试过师傅各项包点小食都做得不错所以采访, 而文中提及老板娘创业的故事及和师傅因不分花红及其他问题而不咬弦的事反而令我们最有印象. 那位师傅当时已提及再不兑现承诺就走人, 果然我相信我们今天吃到的已不是他的手艺. 回正题, 我们吃了以下食物:-1. : 非常一般, 食唔出点四川, 而且细碗到几啖食晒, 搞笑, 唔信各位自己去试吓, 无花无假, 大大个碗, 细细个面2. : 要等佢煎成十分钟, 以为食到即叫即煎的好嘢, 点知: 皮硬(唔系脆噃, 唔好误会), 只只都唔爆汁, 改个咁嘅名真系搞笑, 馅料可想而知无特别, 食唔出肉味是必然的, 俾𠮶廿蚊一客想点呢?! 我明我明, 依家做生意俾啲'咁嘅嘢'我哋食系'老冯'嘅, 我真系明噃... 3. : 又系即叫即蒸, 以为仲有一样好食都好啦, 点知等咗咁耐, 一上枱四只未夹就已经穿晒,穿晒呀!!!!!! 何来有汤汁?!!改个咁嘅名真系误导!! 火都嚟
回正题, 我们吃了以下食物:-
1. [四川担担面]: 非常一般, 食唔出点四川, 而且细碗到几啖食晒, 搞笑, 唔信各位自己去试吓, 无花无假, 大大个碗, 细细个面
2. [煎脆皮肉汁锅贴]: 要等佢煎成十分钟, 以为食到即叫即煎的好嘢, 点知: 皮硬(唔系脆噃, 唔好误会), 只只都唔爆汁, 改个咁嘅名真系搞笑, 馅料可想而知无特别, 食唔出肉味是必然的, 俾𠮶廿蚊一客想点呢?! 我明我明, 依家做生意俾啲'咁嘅嘢'我哋食系'老冯'嘅, 我真系明噃...
3. [汤汁小笼包]: 又系即叫即蒸, 以为仲有一样好食都好啦, 点知等咗咁耐, 一上枱四只未夹就已经穿晒,穿晒呀!!!!!! 何来有汤汁?!!
改个咁嘅名真系误导!! 火都嚟, 但求其塞晒入口埋单走人就算喇, 唔通叫佢收番笼包, 取消佢咩, 我谂老板娘啋我都傻.
千万别以为我吃光了食物定必是太精采呢, 实情是因时间很赶要速战速决的缘故, 吃完觉得揾笨所以我要写出来, 又怕无相为证Openrice以为我故意抺黑不登出来所以无咩好影我都照影.
其实我嚟都系食锅贴同小笼包啫, 大大只镬放门外煎, 应该都系佢嘅主打喇啩, 上枱一试真系觉得有无搞错, 20蚊4只, 5蚊一只, 一啖5蚊, 好平咩? 又唔算, 平咗个加一啰, 不过咁嘅质素5蚊都俾多, 嘥咗我 Quota 食佢的话我宁愿俾贵啲食入口食好啲, 谂落去霸王X庄, 王X沙, 翡翠XX专门店等等'连锁店'好过啦, 28蚊起加埋一咪30零蚊, 但质素至少有保证, 咁耐以嚟真系未试过一笼嘢四只都穿晒!!! 去'连锁店'坐位又好啲, 仲多杯热茶添, 我唔系想标榜/帮趁他们, 但真系呢间小店唔争气, 本来呢类小本经营大家应该支持吓, 即使得𠮶几个堂食位, 入得去坐嘅都预咗食完就走, 咩都唔计较, 迫又好, 无茶要叫豆浆无问题, 6蚊俾你! 支持你! 总之基本衞生OK就算o架啦, 但今日一试....你啲食品咁低水准, 叫3样3样都唔得 (杯豆浆唔计因为都系交来啦唔通你自己磨咩); 咁...相对而言, 仲贵过我去王X沙啰, 我仲点返转头呀? 无理由盲目支持啩~ 钱唔系最重要, 小女子年纪日渐老迈身躯日渐肥胖唔想嘥Quota食无谓嘢入肚呀~~
谂番本杂志写过老板娘就系算得太尽所以同师傅不和, 师傅坚持要啲食物质素好所以要请长工去煎嘢唔好揾Part-time煎, 都有佢道理, 但我相信文章出街后无耐师傅都闪咗, 即系话老板娘继续佢𠮶套净系用投资角度睇, 唔理出品! [可能/或者佢以为间铺个位咁旺, 啲嘢放得入口就客似云来驶咩咁好食啩]......我用文字在此处想话俾佢知: 事实我食完觉得好唔掂喇....(不过我相信佢都系觉得我多余 )
张贴
