粵來順 (已結業)

今日约咗阿辣妹撑枱脚，本来谂住近近地去呢间附近食陈村粉，不过喺OpenRice揾揾吓无心插柳揾到佢。Book咗六点半，去到只有两台客，之后先至再发现原来佢系米芝莲推介。喺OpenRice睇啲相已经几吸引，菜式都比较特别，所以睇完个Menu之后好多嘢都想试，不过只得两个人所以只能叫心水精选。阿辣妹钟意食粉丝，本来带咗个粉丝什菜煲，点知落左单先见到依张相，所以即刻改，绝对一个靓改，菜式特别，粉丝捞左鱼面，味道唔错，份量重好多，啱晒佢口味。呢碟骨都系第一次食咁嘅口味，之前一路都系叫榄角骨或者蜜汁榄角骨，今次加咗梅子酸酸地好开胃，个人口味会希望佢可以在炸得香口啲，不过依家肉汁非常，叉烧妹一定啱。墨鱼拼红肠，唔系个人最喜欢，不过好钟意佢荐底嘅豆腐，只觉得红肠偏咸，墨鱼正常。最后当然要叫个避风塘鸡翼送啤酒。鸡翼算系中等大细，在于巴西鸡翼同美国鸡翼之间，辣妹最后攞咗面头嘅蒜粒去捞粉丝食，一绝！总括嚟讲系一间己有惊喜嘅米之莲，绝对会翻桌encore，下次要试埋佢嘅炸芝士，猪肺汤，等等。