大門橫丁串燒手打烏龍麵店 (已結業)

呢日出左旺角拎野，约左正午12点，拎完野啱啱好够钟食野行左一阵，见到呢间店仔，价钱唔太贵就入左去食lunch set平均是四十多元至六十元，不设加一我点了蕃茄汤鸡柳乌冬配红枣蜜，同行的选了咖哩饭配一口炸鸡+可乐红枣蜜个杯甩色甩到咁...唔系好想饮杯野...饮落阵味仲好怪...好差....令成餐饭蒙上污点...食野唔单止食物本身质素要好...其实环境同器皿都会影响心情...希望店方注意一下....呢个咁差ge开始令我有d担心，好彩之后d野食都正正常常。呢个蕃茄汤鸡柳乌冬有惊喜，首先蕃茄味非常浓，细细碗有大半个蕃茄，个汁不像沟了水般，不会太稀，热呼呼几好饮几开胃。乌冬方面，尚算爽口弹牙，不过少左d鸡柳好入味好林，没有皮、筋或肥膏，又滑又好味。至于咖哩饭方面，没有拍照，咖哩不太辣、味道浓但不香，炸鸡一口一块很好，不过有一点肥膏我不太喜欢。d薯仔软硬适中又入味，我喜欢。午餐只需要四十多元一个set真的不错，如果夜晚要七十元左右就要考虑下了。