三河屋 (已結業)

每次去红磡唔系去酒楼就去某食店，今日想转转口味。泊好车后，眼前见一家外貌平凡但好有日本家庭式经营FEEL嘅食店，就去试下呢间啦 入到去真系好似好旧咁，连墙上贴著的食物价钱纸都发黄退色，电视也是好旧好旧的款式。环境比较细，坐位与坐位之间比较迫。一坐底看完餐牌就叫咗大阪烧饼、章鱼小丸子同滑蛋猪扒饭。 大阪烧饼当店员把它放在枱上，我真系完全无谂过系咁细，大约成人掌心般大，味道好香港FEEL, 同正宗的大有不同，但可以接受 章鱼小丸子章鱼小丸子系我每次去一家新的日本餐厅见餐牌有就会点嚟试下，虽然章鱼份量多，有三至四粒系里面，但浆味道唔够，表面的酱又普通，可以话系一般 滑蛋猪扒饭卖相比平时食嘅的确差咗少少，但味道呢....虽然猪扒鞋咗小小但个炸粉唔厚，算中上。个汁呢真系好好味，加埋啲洋葱同菇，只用个汁加只滑蛋都可以令我食哂成碗饭 后来老板收钱时才知他是日本人，而且真的家庭式经营，老板背后还有一个小故事。我谂我会再去试过啲招牌菜，因为我好支持小餐馆，起码他们真的用心去做食物给每位客人，而且呢间食物唔贵又算好食系无豪装同好靓嘅卖相啰。