長洲張記

营业中

休息中

大热天时嚟到长洲，真系几辛苦。由于一到达时，都几肚饿，所以即刻入咗去张记度食嘢。我同鲜茄蛋叫咗：牛腩墨丸捞粗牛筋猪手捞粗双拼仲要系捞面，都只不过系$23碟，心谂几抵，但系一嚟到时其实都几细碟。据说佢哋啲丸类嘢比较出名，所以鲜茄蛋突登叫咗墨丸试吓，但系一食落去其实都几失望，因为又唔系几弹牙同埋无乜墨鱼味，而且非常迷你加袖珍。而牛腩都可以嘅，不过不失，但又未至于相当出色。至于我嘅牛筋就好好多，因为牛筋嘅黏性相当高，而且够晒腍，又够味，所以好得！相反同牛筋比，猪手就较为逊色，因为虽然味道唔错，但系好似炆得未够咁，相信如果炆耐啲的话，会好食啲！原本谂住试吓佢嘅鱼皮，但系见到要$17一碗，都颇贵，所以都系放弃咗，留肚食其他嘢好过。