C2 Lab

营业中

休息中

寻日系深水埗买完野，等巴士时无意中见到呢间餐厅好似几靓咁，决定今日放工去试下。7点半，餐厅入面都已经有几台客，装修都几靓，但因为隔离有人，就冇影到环境，但真心唔错，坐得好舒服。店员介绍叫一个主食，可以加$88可以拣一款前菜同拣一个汤。餐汤⭐️牛尾汤餐汤有两款可选，一款系牛尾汤，另一款系黑松露忌廉汤。牛尾汤系出面西餐厅真系好少见，紧系拣牛尾汤啦。上台已经闻到汤既香味，饮落牛味好重，亦都唔会太油。前菜⭐️香蒜炒菠菜阔墨鱼（唔记得左个全名）我见识少，咁长既墨鱼真系第一次见🤣食落好爽口，加大用蒜炒，味道非常香口。主菜⭐️大啡菇黑松露意大利饭（$118）上台时黑松露已经香气扑鼻，食落干湿度啱啱好，平时出面𠮶d意大利饭食落都好漏，呢到唔会，而且一人份量啱啱好呀。总括嚟讲，呢间野真系唔错，无论环境定价钱定食物质素，下次可以约朋友黎试下。