三星台菜食堂 (已結業)

今日做完野成3点，攰到屎，又肚饿，途经厦门街，成条街好多食店，日本拉面，泰国餐厅，泰式面店，西式，台湾牛肉面……其实我吾系太爱食牛，但又好like台湾，所以都系选择三星，午餐set刚至3点，好在我入去时仲有10分钟点左干扁豆前菜，牛肉面蕃茄汤，干扁豆个汁好惹味，好开胃。牛肉面面有好多雪菜同青葱碎，正。 汤底好浓，除左蕃茄味仲有少少辣，我好钟意!刀削面吾似出面食嘅口感，比较淰同滑，牛肉系每件都有少少牛筋部份，好多骨胶原呀！我竟然觉得牛好味㖞，可能佢无肉膻味。72蚊加一，79蚊有罐装气水，因为豆浆卖完。 吾错，可以encore !