中村藤吉香港店 (已結業)

早几年开店嘅时候已经嚟过一次，当时人气非常旺盛，净系等位都讲紧起码要大半个钟头时间，虽然无论环境同食物都非常吸引，但系谂起要等真系怕怕。今日喺美丽华行街行到有啲攰，同朋友商量不如去中村藤吉睇下，好彩今日人唔多，终于可以逃脱排队厄运🙏🏼餐厅内部装修非常日式，空间感好大，窗外嘅风景都好空旷，感觉好舒服。侍应会喺每一台都放置茶壶，装住佢哋嘅自家焙茶，茶香扑鼻，边饮边食甜品非常夹。丸十芭菲之前已经食过一次，仍然心思思想再食，面头用抹茶粉整咗铺头嘅logo，卖相相当精致。最顶层系忌廉，然后顺序有抹茶蛋糕丶抹茶寒天冻丶抹茶雪糕丶脆米丶白玉丶红豆蓉同红桑子，配搭非常丰富，每一层都敲动住抹茶控嘅心😍必试！生茶啫喱茶味好重，加上奶味偏重嘅抹茶雪糕，系最完美嘅配搭。旁边有红豆蓉同白玉，红豆蓉入口甜蜜，质感绵滑🥰加上玉子烟烟韧韧增加口感，matchy matchy!食物除咗价钱略贵之外真系无懈可击，可惜都系未有机会一尝每日限量嘅嶡饼，唯有比多个藉口自己下次再嚟😉