Oggi (已結業)

平时到天后食饭会选大坑，今次选了水星街既Oggi，朋友揸车，响附近苹果商场附近既标位泊低，再行去水星街食。门牌同内里装修都用了田园风格，以草为主的大招牌， 餐厅有卡位，以小枱形式，环境优雅，最适合情侣同三五知己食饭。见到每张枱都必食推介～龙虾意大利饭配蟹黄忌廉汁啦, 无懈可击的价钱，只需要$99, 叫主食可加60蚊转套餐, 都系激抵之选，首道系个鲜甜啤梨带点酸甜味既沙律, 啤梨有两大片，果肉汁味好鲜甜, 沙律菜充满沾满果肉味。再黎甘笋汤，汤质幼滑, 连埋餐前面包一齐上，入口有淡淡的甘笋香味, 可蘸面包食，好creamy。龙虾意大利饭配蟹黄忌廉汁之后上主角龙虾意大利饭，好大只，多肉，弹牙，肉质鲜味无比，意大利饭配上蟹黄忌廉汁同龙虾头既膏烹调，非常入味，饭粒腍身被汁包住，之后 食埋个龙虾钳，已去壳好好服务，方便进食。其实$99真系超值，净系一只龙虾，冇饭都抵啦！第二道系牛肉burger , 好多肥美薯条够脆身, 免治牛肉有质感, 牛肉味香味浓，馅料足料，份量十足 。 甜品系柚子蒟弱, 好清新, 阵阵柚子香, 配埋橙块够清甜。再叫埋餐茶非常满足。