大壹燒鵝 (啟田大廈)

营业中

休息中

大壹烧鹅 (启田大厦)地址: 蓝田启田道51-67号启田大厦地下1A, 2-4及6A号舖今日放工约咗阿女食晚饭，阿女推荐咗一间喺公司附近嘅茶餐厅，佢话𠮶度嘅烧味好值得推荐。餐厅好大，环境光猛，坐得好舒服。我哋叫咗一个二人餐，食物种类多样化，非常好。大一烧鹅超值二人餐 $298足料靓汤 首先，每人有一碗汤。今日供应嘅系木瓜煲猪骨，汤头好清甜，好浓郁。木瓜同猪骨已经煲到好软腍腍，好入味。玫瑰豉油鸡和叉烧套餐仲有烧味可以拣，我哋食咗王牌豉油鸡同叉烧。今日好好彩，厨师俾咗鸡髀。豉油鸡好入味，表面已经上晒色，内里都咸咸地，够晒味。鸡件好滑，好Juicy，鸡皮好爽口。叉烧望落已经好靓仔，表面烧到焦焦地地，布满蜜汁，肉质非常松化。椒盐鲜鱿小菜方面，我哋都拣咗两款，第一款系椒盐鲜鱿。椒盐鲜鱿大大碟，食落好香口。咁呢炸得嚟炸粉好薄，特别酥脆，内里先有新鲜，好爽口。烧汁薯仔牛柳粒第二款就叫咗薯仔牛柳粒。整碟菜口味甜甜地，食得出厨师有先将薯仔炸过，因为外边好香脆，内里薯仔好腍。牛柳粒份量多，非常软腍。另外仲有唔少青椒作配菜。