影片
更多
2020-02-21
3711 浏览
2020年武肺来袭，平时都唔会点庆祝节日，而节日对我尼讲系一个食好西既机会。今年情人节前一日，忽发其想，之前系youtube睇人推荐尼间米芝连三星粤菜，睇人讲好难订到位，但系武肺既庇荫下，轻易就订到听日既午餐。只系透过留电话同姓名，做简单订咗位，订𠮶阵佢会问你系咪庆祝特别节日。之所以订午餐，系因为中午时段先有鲍鱼酥食！一去到会问你饮咩茶，我地简左龙井+铁观音，龙井无咩味，铁观音还可以。点心最少叫2件，逐件计钱。第一样：皇汤龙凤粉果$66@2龙虾肉好弹牙👍🏻好鲜，皮薄馅靓。第二样：荀尖鲜虾饺$66@2👍🏻一样皮薄馅靓，但只虾肉老左少少，不过都系我食过最好食嘅虾饺。第三样：蟹肉鲜虾烧卖$66@2👍🏻肉质结实，食得出猪肉好新鲜，唔似一般酒楼食到一嚿嚿好多粉浆同肥肉，重点系上面个堆蟹肉，十分鲜甜，超级正👍🏻👍🏻第四样：豉汁龙虾菜苗饺$78@1一样皮薄馅靓，龙虾肉新鲜弹牙，豉汁惹味。第五样：红乳崧子叉烧酥皮包$66@2本身想叫佢哋个菠萝叉烧包，但系咁岩今个星期转左，上面酥皮相对地比较少，馅料比较浓味，加左崧子增加口感。正正常常嘅叉烧包。第六样：原只鲍鱼鸡粒酥$82@1重头戏尼啦，亦都系我最期待嘅
之所以订午餐，系因为中午时段先有鲍鱼酥食！
一去到会问你饮咩茶，我地简左龙井+铁观音，龙井无咩味，铁观音还可以。
点心最少叫2件，逐件计钱。
$850
57 浏览
2 赞好
0 留言
龙虾肉好弹牙👍🏻好鲜，皮薄馅靓。
第二样：荀尖鲜虾饺$66@2
👍🏻一样皮薄馅靓，但只虾肉老左少少，不过都系我食过最好食嘅虾饺。
第三样：蟹肉鲜虾烧卖$66@2
👍🏻肉质结实，食得出猪肉好新鲜，唔似一般酒楼食到一嚿嚿好多粉浆同肥肉，重点系上面个堆蟹肉，十分鲜甜，超级正👍🏻👍🏻
第四样：豉汁龙虾菜苗饺$78@1一样皮薄馅靓，龙虾肉新鲜弹牙，豉汁惹味。
第五样：红乳崧子叉烧酥皮包$66@2
本身想叫佢哋个菠萝叉烧包，但系咁岩今个星期转左，上面酥皮相对地比较少，馅料比较浓味，加左崧子增加口感。正正常常嘅叉烧包。
第六样：原只鲍鱼鸡粒酥$82@1
重头戏尼啦，亦都系我最期待嘅鲍鱼鸡粒酥！果然冇失望，挞皮唔会比馅料搞到湿晒或者唔脆，上边嘅鲍鱼好入味同淋，配搭中间嘅鸡粒，两者互相辉影，相辅相成，整个口感层次有脆有软，食到鲍鱼嘅鲜味，鸡粒嘅咸香，挞皮嘅牛油香味。最细心嘅系佢已经帮我切开左三件，外表睇唔出，但一咬落去就知，咁就唔使食得咁狼狈，而且就算佢已经切开咗都唔会影响个酥皮剥落，或者系散左。超级推！
第七样：海皇鸡丝汤羹$340@1
咁细碗已经要呢个价钱，绝对系啖啖黄金，但系个味道绝对对得住个价钱。入面有好由细嘅鸡丝同蟹丝，金菇丝、萝卜丝、葱丝等，全部都系好幼细既丝，所以唔需要再咬。 而每一种材料都系发挥到佢嘅作用，即使好少既青葱丝，都会感受到佢系呢碗汤入边发挥到作用。最夸张嘅系，一饮落口，直头觉得自己食紧只鸡，比鸡更浓鸡味。好深奥嘅一句，但真系试过先知我讲咩。就算咁贵一碗都绝对值得一试。
第八样：龙带肉梨香$240@4平均除翻开$60一粒，真系几贵😂虽然系餐牌上唔系主厨推介，但系听讲系得奖菜式，都要一试。 带子肉爽口鲜甜，下面系一片梨子，很清甜的。包裹一层粉浆然后炸，上面粉红色嘅系金华火腿有画龙点睛嘅作用。一啖咬落去带子嘅咸配上梨子嘅甜，好特别嘅味道，令人眼前一亮。
第九样：XO酱炒肠粉$200@1
人生食过最贵嘅XO酱炒肠粉，因为老公好钟意食所以都叫左。喺出面食过依道菜都知道好多酒楼做得好差，例如配料不足、太油腻、太湿、唔够酱料、唔够咸味。呢碟肠粉可以话攞到95分，仲有5分系可以再炒得干身少少，咁就完美啦。
第10样：杨枝甘露$92@1
可能因为太多人推介嘅关系，对佢期望好高，无可否认甘露芒果汁系做得唔错，亦都好多配料，唔会用西米滥竽充数，但系亦冇令我有惊讶嘅感觉。
第十一样：椰汁紫米露$82@1
而家好少地方有紫米露可以食啦，紫米味好香，唔会太甜，仲加咗啲百合增加口感，美中不足嘅系太细一碗！两啖就食晒唔够！
最后系送嘅美点双辉，椰汁红豆糕、奶黄酥。其实呢两样甜品我都麻麻哋，不过佢都做得唔错几好食！
买单总共，$1621，饮个茶来讲真系好贵，不过呢个价钱同佢嘅食物品质绝对系值得。
唯一可以再改善嘅系，服务态度可以更好，因为有几次系要主动叫侍应过嚟先帮我地斟茶，而且态度不够和蔼。
张贴
