木糠甜品屋 (已結業)

哩晚晚餐食左少少野,唔饱又唔饿,但又口痕想揾个地方坐人低倾倾计,铜锣湾有甜品食既地方除左发记同满记,我第三间谂到既就系食木糠布甸。8点几仲早,边有人唔食饭黎食甜品呢?咪我地2个傻婆啰~今晚既目标就系木糠布甸,第一次试试原味先,记得第一次食系@澳门,$13一杯无哩度咁大,但o个阵觉得好好味~哩度既木糠布甸$23一个有D贵,唔算大个,质地好硬,好大力用X吉开,入口即溶,唔算甜,但食完又觉得好(漏),唔系唔好食,但我食唔番第一次食o个种好味,我记得第一次食个种唔硬身,好软身,似溶溶地既雪糕咁,唔知系咪先入为主左,觉得软身好食D.....下次试下外卖摆一阵先食,睇下食唔食得番个种感觉先~