影片
更多
2024-08-12
1100 浏览
话说早几日去石门揾食，本身谂住睇吓呢间舖头，最后入咗第二间餐厅坐低食，所以呢间餐厅就入咗我个Bucket list。到今日，谂住买啲外卖返屋企食，同老公嗱嗱临揸车过去买咗一盒韩式甜辣炸鸡、一盒烧汁洋葱蘑菇炒意粉同埋一盒流心芋泥丸+地瓜丸+芝士年糕。因为本身冇谂住写食评，只系自己做饮食日志，所以求其影咗张相😅相入边有薯条同鸡翼系另一间舖头嘅，唔关佢事。先讲一讲佢个甜辣炸鸡，个酱教得非常好食，有少少蒜头香，可惜外卖返到屋企食嘅时候已经唔够热，所以就放返入微波炉再叮，变咗外皮比较腍。我估新鲜买黎即刻食会好食好多。但系，个烧汁洋葱蘑菇炒意粉极之难食。呢一个都系我无端端决定写食评嘅原因🫠一个完全冇味嘅意粉，唔知点样炒出嚟。佢应该系赢在非常之大份，跟意粉有少少沙律。但个意粉真系好难食。我哋倒咗半盒🥲张相见到嘅就系我哋倒咗嘅份量🥲（下面张相见到，我哋食甜品，啲意粉都仲喺度😂）呢三样嘢入边，有两样好食，一样唔好食。芝士年糕系正常外面食到嘅，味道都算正常地瓜球都叫做Q弹，有地瓜嘅甜味。个流心芋泥丸就唔合格，个芋泥完全冇味，得个奶黄馅有甜味，但系个芋泥好干、又硬，两样嘢沟埋一齐唔好食。总结来讲，如果我会再
到今日，谂住买啲外卖返屋企食，同老公嗱嗱临揸车过去买咗一盒韩式甜辣炸鸡、一盒烧汁洋葱蘑菇炒意粉同埋一盒流心芋泥丸+地瓜丸+芝士年糕。
因为本身冇谂住写食评，只系自己做饮食日志，所以求其影咗张相😅
相入边有薯条同鸡翼系另一间舖头嘅，唔关佢事。
先讲一讲佢个甜辣炸鸡，个酱教得非常好食，有少少蒜头香，可惜外卖返到屋企食嘅时候已经唔够热，所以就放返入微波炉再叮，变咗外皮比较腍。我估新鲜买黎即刻食会好食好多。
但系，个烧汁洋葱蘑菇炒意粉极之难食。
呢一个都系我无端端决定写食评嘅原因🫠
一个完全冇味嘅意粉，唔知点样炒出嚟。
佢应该系赢在非常之大份，跟意粉有少少沙律。
但个意粉真系好难食。
我哋倒咗半盒🥲
张相见到嘅就系我哋倒咗嘅份量🥲
（下面张相见到，我哋食甜品，啲意粉都仲喺度😂）
呢三样嘢入边，有两样好食，一样唔好食。
芝士年糕系正常外面食到嘅，味道都算正常
地瓜球都叫做Q弹，有地瓜嘅甜味。
个流心芋泥丸就唔合格，个芋泥完全冇味，得个奶黄馅有甜味，但系个芋泥好干、又硬，两样嘢沟埋一齐唔好食。
总结来讲，如果我会再帮衬呢间舖，应该只会食炸鸡，其他嘢都唔会再考虑。
我都建议老板专心做好炸鸡就算数。
评分（5😋满分，😬为0.5分）：
食物：😋😋😋
环境：😋😋😋
（餐厅应该主力做外卖，有两个吧枱位可以坐低堂食）
抵食程度：😋😋😋😬
张贴
