影片
更多
2012-04-04
896 浏览
谂左好耐,成班朋友庆祝生日去边度食...目标都系东南亚野食...揾下揾下...最后见lei度好似唔错,又有facebook coupon有85折,同埋生日有蛋糕同酒送...又有网页有menu睇,见d野食都ok,又唔算太贵..就黎lei度啦~~~~打黎订位时,服务员态度好好,其实我前后打左三次问野...我问生日coupon可唔可以同85折coupon用,佢地话ok...跟住我又问了蛋糕可唔可以写埋字,佢又话ok...咁我觉得都几ok丫...我地有成9个人,坐左个位周围都冇乜人,可以倾计无人嘈住,出面都有露天位,见到d外国朋友食得都好开心,饮酒食野谈天说地...同埋我地coupon仲大有支红酒送架, 我地一气过叫左好多野食,直情系叫多左...叫左成十几样野呀...叻沙, 我都几钟意食lei个马拉野, 又唔算辣,有椰香味, 又多料,有虾有鱼蛋,鸡肉,鸡蛋,豆卜,系濑粉, 都几好呀,不过食少少好喇,留肚食其他 肉骨茶, 都好耐冇饮过,唔系人人接受到个药材味, 不过个肉骨茶就麻麻地,好似好油咁...家乡福建薄饼, 星加坡都有好多福建人住,可能就系咁...食马拉野会出现左福建o既名, lei个薄饼
打黎订位时,服务员态度好好,其实我前后打左三次问野...我问生日coupon可唔可以同85折coupon用,佢地话ok...跟住我又问了蛋糕可唔可以写埋字,佢又话ok...咁我觉得都几ok丫...
我地有成9个人,坐左个位周围都冇乜人,可以倾计无人嘈住,出面都有露天位,见到d外国朋友食得都好开心,饮酒食野谈天说地...
同埋我地coupon仲大有支红酒送架, 我地一气过叫左好多野食,直情系叫多左...叫左成十几样野呀...叻沙, 我都几钟意食lei个马拉野, 又唔算辣,有椰香味, 又多料,有虾有鱼蛋,鸡肉,鸡蛋,豆卜,系濑粉, 都几好呀,不过食少少好喇,留肚食其他
肉骨茶, 都好耐冇饮过,唔系人人接受到个药材味, 不过个肉骨茶就麻麻地,好似好油咁...
家乡福建薄饼, 星加坡都有好多福建人住,可能就系咁...食马拉野会出现左福建o既名, lei个薄饼都几得意,个皮软熟,入面包左好多料,有生菜,虾肉, 蛋,花生碎, 豆腐干咁,少少酸甜, 又有少少辣, 试试无妨...
胡椒脆鸡翼,以为好辣,其实都唔系...一般o既炸鸡翼,不过加左黑胡椒,香口d...烧猪颈肉拼泰式炸豆腐, 两样都炸得干身左d,猪颈肉就仲干, 个汁就辣辣地惹味d ,lei个麻麻啦...
咖哩牛腩同油酥饼, 因为我要戒牛一排,所以都系点汁食油酥饼, 见牛腩都几大旧下, 不过个汁就好油,冇乜咖哩味, 我地见油多过汁, 个油酥饼一客两块, 都几香口, 可惜个汁麻麻地,唔系就更好食...
粉丝虾煲, 原来d汤都好多, 好浓虾味, 虾都好大只, 初初以为系粉丝系索晒汁干身d o个只,原来系成煲野系汤粉丝, 但就虾味够...热辣辣...海南鸡, 叫左半只, 黄色几肥美, 肉质都林身算滑,有鸡味, 比胸位,啖啖肉几好味, 点埋汁食仲好...
沙嗲串烧, 黎得沙嗲轩都要食下串烧o既,叫左一打猪牛鸡都有, 烧得o岩o岩好,无干净净有肉汁,但沙嗲酱就麻麻,浓得黎唔够沙嗲味...
马拉盏炒通菜, 个菜好老呀, 炒得太油,唔太好...好似无镬气tim...
炸春卷, 表面炸得都唔算太金黄,但入面反而炸到有d过火, 好似cut开左再炸多次咁, 一般般...地道炒贵刁, 其实好似干炒牛河咁不过无牛肉, 都系河粉咁,有蛋,有韮黄,有芽菜, 味道都ok, 少少油就在所难免...
星洲萝卜糕, 炒个汁甜甜地几好味, 但萝卜糕就炒得散左d,可能切得细粒左d...
哗,原来我地叫左14样野食, 虽然9个人叫就唔算太多, 可能佢d粉量都唔算少, 我地有d又叫double,真系好饱啊...无叫甜品食喇,因为有蛋糕准备左比我地,虽然系普通cream cake,但佢又帮我写埋字比我两位生日o既朋友, 个蛋糕都ok架, 好多生果都几靓
今餐食咁多野都唔算太贵,每样野食都系正常价, 开头以为酒店入面食都会贵d,但一个人唔使200蚊, 又有埋cake同红酒, 环境又ok, 如果叫少d野食可能会便少少,下次再试下先...如果唔太热会试下坐出面...张贴
