影片
更多
2009-02-16
15 浏览
有日大少买o左个外卖返o黎, 话系新o野, 于是试下.一打开, 见到材料都几丰富, 清汤面有紫菜,葱等配料, 上面有几件炸卷. 似虾卷, 味道ok. 夹起个粉睇下, 原本唔似一般o既米线, 佢比较粗身, 咬落好烟韧, 又索o左清汤o既味, 唔错. 大少话叫攦炒㖞.大少仲买o左十蚊三件o既糕点做甜品: 黑芝麻, 椰汁糕同眉豆糕. 黑芝麻味浓, 不过糕o既质地唔够挺; 椰汁糕对我黎讲太甜; 眉豆糕质地够挺, 豆又多, 我最钟意!大少话下次试下堂食. 见琴日得闲, 就走去试. 见个餐牌, 选择唔算多, 主打攦粉, 但价钱相宜, 唔驶廿蚊就可以填肚, 好抵㖞. 问个阿姐, 咩叫攦粉, 佢话即系濑粉, 不过同香港食开o个o的有少少分别. 心谂:” 哗, 摆明系两样o野㖞. 平时食o既濑粉幼o的, 煮完半透明, 咬落质地又唔到”. 无理佢, 叫o左个海鲜汤乌冬 ($12咋!), 酸辣攦粉同小食鲮鱼球. 等o个阵无聊, 又研究个餐牌. 原来上次大少买o个个唔系虾卷,而系墨鱼卷. 哗, 一o的都无墨鱼味都无㖞, 无墨鱼粒, 唔爽口, 系咪肥猪肉放太多掩盖哂o的味呢? 终于等齐, 个攦粉索o左酸
一打开, 见到材料都几丰富, 清汤面有紫菜,葱等配料, 上面有几件炸卷. 似虾卷, 味道ok. 夹起个粉睇下, 原本唔似一般o既米线, 佢比较粗身, 咬落好烟韧, 又索o左清汤o既味, 唔错. 大少话叫攦炒㖞.
大少仲买o左十蚊三件o既糕点做甜品: 黑芝麻, 椰汁糕同眉豆糕. 黑芝麻味浓, 不过糕o既质地唔够挺; 椰汁糕对我黎讲太甜; 眉豆糕质地够挺, 豆又多, 我最钟意!
大少话下次试下堂食. 见琴日得闲, 就走去试. 见个餐牌, 选择唔算多, 主打攦粉, 但价钱相宜, 唔驶廿蚊就可以填肚, 好抵㖞. 问个阿姐, 咩叫攦粉, 佢话即系濑粉, 不过同香港食开o个o的有少少分别. 心谂:” 哗, 摆明系两样o野㖞. 平时食o既濑粉幼o的, 煮完半透明, 咬落质地又唔到”. 无理佢, 叫o左个海鲜汤乌冬 ($12咋!), 酸辣攦粉同小食鲮鱼球.
等o个阵无聊, 又研究个餐牌. 原来上次大少买o个个唔系虾卷,而系墨鱼卷. 哗, 一o的都无墨鱼味都无㖞, 无墨鱼粒, 唔爽口, 系咪肥猪肉放太多掩盖哂o的味呢?
终于等齐, 个攦粉索o左酸辣汤, 好味; 鲮鱼球无鱼味, 好粉, 但有好大条鱼骨, $25 ? 唔值啰, 要回水! 最有趣系个海鲜汤乌冬, 所谓乌冬睇落似猫耳朵, 不过大片得多. 咬落去好似食紧放汤煮o既萝卜糕既粉咁, 配料有冬菇片,葱咁, 但成碗都好油腻, 试o左两啖又要大少帮我清埋佢 (辛苦哂!). 差o的唔记得o左讲, 每碗粉可以特价5蚊叫餐饮, 我点o左桂花茶试, 好香, 味好清, 唔会太甜, 有兴趣可以试下.
主餐唔满足, 外卖o左佢o既糕点返屋企食. 今次买o左眉豆糕, 马蒂糕同桂花糕. 眉豆糕今次豆太多, 糕黏唔到, o的豆一夹就散, 不过味道无变, 我会继续试; 马蒂糕太甜, 马蒂肉切太大粒, 小朋友或者老人家食都好易啃亲, 要再切细粒o的先得; 至于桂花糕味道唔太甜, 桂花好足料, 可以一试.
张贴