Honbo (已結業)

在家抗疫嘅日子实在苦闷，忍咗几个星期，我同先生实在系坐唔住，趁住假日嚟南丰纱厂朝圣一下，纱厂除咗有唔少文青小店，仲有好多特色餐厅。每间餐厅都各有千秋，花多眼乱，最后我哋拣咗对住天台花园嘅Honbo，久仰大名但一直未有机会食，难得荃湾亦有分店，当然唔能够放过。餐牌设计简约，汉堡嘅选择唔少，除咗有招牌嘅手打牛肉汉堡之外，仲有素肉汉堡、炸鸡汉堡同备受好评嘅炸蚝汉堡。由于限聚令嘅关系，我哋买咗外卖去对出嘅天台花园用餐，店员喺每个纸盒上面标签好食物内容，非常细心。炸蚝汉堡相当有惊喜，难怪呼声咁高，炸得酥脆嘅鲜蚝放喺厚厚嘅椰菜丝上面，配上明太子他他酱，和风味浓！日式炸蚝尺寸中等，即叫即炸，入口蚝味鲜浓，而且毫无油腻感，加上椰菜丝切得超幼细，口感清爽，成个组合配搭得宜，先生食完亦赞不绝口！招牌汉堡有两层牛肉汉堡、芝士、酸瓜同洋葱，系最经典嘅汉堡组合，不得不试。牛肉汉堡系自家手打，入口肉汁香浓，加上酸瓜同洋葱增加口感，系最完美嘅经典滋味。薯条同样即炸，略为粗身而且炸得非常香脆，份量亦算多。饮品方面有几款比较常见嘅罐装汽水，值得一赞嘅系店员用厨房纸包好保冷，非常贴心。餐厅食物非常有水准，特别系炸蚝汉堡，