金子半之助 (新都會廣場) (已結業)

爸爸一直都好钟意食脆卜卜既天妇罗，今晚再带爸爸黎encore天妇罗饭，之前都同佢黎食过一次，念念不忘，所以今晚就到时间就再黎食了。呢间金子半之助系日本既过江龙食店，一直都好多食客。今晚同爸爸早入座，所以人数不算太多，不用等位。餐牌方面都是以3款天妇罗丼饭为主，今次仲有新餐牌，有稻庭乌冬。或者可以选个双拼，又有个天妇罗饭，又有个稻庭乌冬。正我同爸爸都系一人点了一碗江户前天丼，因为我地都好钟意个款又长又肥厚既穴子。呢款饭仲有海老、小柱鱿鱼天妇罗饼、温泉豆、海苔、荚碗豆。所有天妇罗都好好味，即叫即制的，所以入口脆卜卜好好味，又热辣辣，温度岩岩好。穴子仲好长又肥厚，好正。次次食完个穴子都觉得大满足，好正。另外饭上都淋了酱汁，酱汁份量岩岩好，又绵绵的粒粒日本米配上香浓惹味既酱汁，好快就会吃晒成碗天妇罗饭。个套餐仲有配上渍物同面豉汤。餐厅仲有黑豆茶饮，黑豆茶可以消油腻，茶味香浓，唔错，可以清一清口中的油腻感，从新的再吃下一款的天妇罗。除了免费任饮既黑豆茶外，仲可以饮下汽水，汽水配炸物都几爽架。