光榮冰室 (登龍街) (已結業)

呢间餐厅好出名，但我今次系第一次帮衬，所以其实食嘢嘅时候有啲三心两意。我本来好想食佢哋嘅咖喱牛腩饭，但有听讲呢度嘅葱油鸡扒好好食，然后又见到下午茶餐有葱油鸳鸯扒饭，谂咗好耐之后我就决定叫个葱油鸳鸯扒饭外卖。落单时候客人心大心细，通常企喺收银枱嘅姐姐就会俾说话你听，但我15 16咗好耐收银姐姐都好有耐性，响呢度先要多谢佢。鸳鸯扒系鸡扒同猪扒，煎同调味都好香口，另外要提一提个葱油，个葱油好香之余亦都冇生葱好讨厌嘅青草味， 用来捞饭认真一流，亦好配合𠮶两块煎炸扒。下午茶时段连埋饮品先大约$50 ，抵食。