翠亨邨 (利舞臺廣場) (已結業)

唔知有無人覺得係銅鑼灣好似越來越難搵食,唔知係因為選擇少左定係唔O岩我口味.所以我依期慣性同人講:是但係利舞臺搵間啦.咁今次就簡左去翠亨邨飲茶,因為要回味佢高水準既叉燒我諗住呢度唔係平價食店,LUNCH應該無咩人,點知一早FULL左,WALK IN等左半粒鐘首先叫左個小食,$58既椒鹽豆腐,外脆內軟滑,大堆炸蒜放係面,味道又唔會好重口味,見到落左少少豆豉來調味,但係總係唔覺咸.呢期既椒鹽都唔夠咸,唔通係潮流興起?不過起馬夠多蒜食得過癮,開胃一流$128 既主菜蜜汁叉燒很有光澤既外表,一口咬落去極度鬆化,好似中左化骨綿掌咁,完全無渣,肉與肥64之比,爽口軟熟,肉味一流,蜜味反而不高,咸味亦低.可以細嚐其肉味.呢個招牌貨真係無得頂.十件「鼠」一聲2個人食清光我都唔明點解可以有呢種口感$34 北菇粒燒賣,燒賣面頭又爽脆既蝦,豬肉餡札實有口感而味帶甜,菇味不見特別出位,豬肉調味點到即止.一口放哂入口係最佳食法.有齊爽,實,軟既口感.由於得2個人,就叫個$128杜小月櫻花蝦炒飯作為填肚之用.但係叫左成半粒鐘都未上,問問先知原來無幫我地落到.雖然人誰無過,但係呢度始終唔係平價地方,我會對佢地要求高