海岸扒房

营业中

休息中

疫情关系，很久没有去机场了，今日黎试下呢间餐厅，一来可以欣赏一下海景，更可远望机场同飞机升降。餐厅望出去的环境，简直系无敌，净系呢个view，比呢个价钱，性价比极高。食物方面，真系值回票价。先黎个Starter先，之前都有网友介绍，Steak Tartar好好味，当蛋黄同生牛肉捞匀，再配上toast一齐食，味道非常清新，但又唔同韩式牛肉tartar。Main dish, 叫左3款唔同既食物，睇下呢度系咪得牛扒好食先。西餐厅食鸡通常都好干或鞋口，呢个鸡有印尼风味，而且juicy又嫩口，真系坚好食。鱼柳，个人觉得一般，太干身加有少许鱼腥味，麻麻地，加上本身唔太喜欢白汗，所以更加扣分。只系叫左普通的Rib eye，medium rare，由于系炭烧，好香，肉味浓，卖相简单，但性价比高，340蚊有咁既质素，抵啦！如果系呢度叫Porterhouse 或 T-bone，相信烤出黎既质素会极高，下次一定试。点都要有薯条配牛扒🤣🤣🤣🤣最后都系叫多个意粉试下，都唔错，干身挂汁，加少少黑椒令味道更加突出。一杯咖啡做结尾，回味无穷。