文聚料理(分子) (已結業)

当年山长水又远咁又港岛南入到屯门食呢间所谓分子料理，虽然唔知佢分子咗响边但实质玩慢煮确系开正我个瓣，之后见佢执咗系觉得有啲可惜，点知发现原来佢最近响北角开返，近到海都唔洗过紧系要去食啦😏从来都觉得佢个招牌菜鱼翅捞饭冇特别，一我对鱼翅一般，二毕竟七十蚊唔会有好多翅，顶多当系个芡汁捞饭，不过佢好聪明地加咗啲南瓜落去一齐煲，感觉带甜，而且朋友未试过就点都要试下。我最爱系佢地啲分子肉类，水晶鸡滑到欲罢不能兼超浓鸡味，食到骨都吮埋✨牛筋腩又系腍到不得了，而又保留到个牛味，萝卜更甚，索咗啲腩汁之余仲有返个清甜响度，连个附送嘅娃娃菜都系连翅汤煮索哂啲味，好劲抽✨