明珠海景

营业中

休息中

同屋企人食饭，经 openrice 订枱，订枱嘅时候有落 remark 呢餐系家庭聚餐，有外国返嚟嘅亲戚。可能见我哋同行系有回港渡假嘅人，餐厅职员就帮我哋 arranged 咗一张响窗口前面嘅枱俾我哋，可以一路食饭，一路望住180度嘅维港景色，dining experience 非常正! 我哋一行九人(包括一位老人家)，叫咗个6人餐再加只片皮鸭两食，份量好够，食物水准亦唔错，每道菜都好食，其中一道系上汤龙虾炆伊面，龙虾新鲜弹牙。另一道系六头鲍花菇扒时蔬，花菇大只，鲍鱼方面，如果食开鲍鱼嘅朋友都应该知道罐头汤鲍嘅size 所示嘅头数其实意义不大，一罐有几多只，都唔系完全可以代表鲍鱼嘅大细。呢道菜啲鲍鱼都唔会好细只，当然唔系大大只𠮶种，不过汤鲍就系汤鲍，品质方面好难有突破，非战之罪。但系如果真系想食靓鲍鱼嘅话，可能要问问部长/经理可唔可以加钱转做干鲍。 经Openrice 订位，散叫 a la carte 菜式仲有7折， 不过套餐就有如一般食肆做法冇得再折。