影片
更多
2020-03-29
94 浏览
今日朋友放飞机，唯有自己一个人揾地方食拉面啦，今日嚟到面屋一灯，出晒名系对正无敌大海景嘅拉面店。自己一人食午餐都唔寂寞啊。入边嘅装修好高级，服务水平简直有酒店式嘅待遇。餐牌上基本嘅拉面款式都有例如沾面、盐味、豉油。拉面嘅配料配搭就有啲分别啦，分别就系有两片鸡肉或两片豚肉、加蛋、又或者全部齐晒。咁一场嚟到当然就拣咗全部配料齐晒嘅呢个「特制」啦。呢度嘅拉面比较爽口，真系同其他拉面店有啲黏黏地软糯嘅口感有啲分别。我选择嘅汤底系酱油拉面，味道够。小食方面拣咗炸鸡软骨。都几大碟，酥脆外层，有咬口嘅内层。饮品拣左乌龙茶，味道都颇浓，提神解腻都一流。总括黎讲系唔错嘅午餐，价钱略高，但胜在服务、景观、食物质素，有机会会encore!
入边嘅装修好高级，服务水平简直有酒店式嘅待遇。
餐牌上基本嘅拉面款式都有例如沾面、盐味、豉油。
拉面嘅配料配搭就有啲分别啦，分别就系有两片鸡肉或两片豚肉、加蛋、又或者全部齐晒。咁一场嚟到当然就拣咗全部配料齐晒嘅呢个「特制」啦。
呢度嘅拉面比较爽口，真系同其他拉面店有啲黏黏地软糯嘅口感有啲分别。
我选择嘅汤底系酱油拉面，味道够。
小食方面拣咗炸鸡软骨。都几大碟，酥脆外层，有咬口嘅内层。
饮品拣左乌龙茶，味道都颇浓，提神解腻都一流。
总括黎讲系唔错嘅午餐，价钱略高，但胜在服务、景观、食物质素，有机会会encore!
张贴
