埠 (已結業)

放左工，最好梗系同老婆去食饭relax chill下。我地去左西湾河鲤景湾个边度食日本菜 (食店叫 埠)。入到去，见到日本风味浓厚，最重要既系见到无敌大海景，令到食饭个个气氛升华左不少。我地叫左松叶蟹肉温泉蛋沙律 (HKD 98)，牛舌(HKD 104)，A4 和牛 (HKD 148)，鸡软骨 (HKD 22)，带子鸡翼 (HKD 78)同埋松叶蟹肉锅烧乌冬 (HKD 118)。个沙律卖相好靓，层层鲜嫩蟹肉放左系个沙律上面，卖相好靓。开只温泉蛋，见到蛋黄涌出黎既感觉好治愈。味道唔错，系几好既开胃菜。至于烧物，佢系有一个石炉帮你保持个温度。啲烧物味道唔错，牛舌同和牛入口即融，好鲜嫩。至于鸡软骨就爽口弹口，口感唔错。不过个人最喜欢佢既带子鸡翼，将带子壤左左份入去鸡翼内面。除左好味之后，我无念过两者可以咁配搭，非常有创意。个乌冬锅，分量唔细，汤底清甜，食落起非常暖胃饱肚，个人觉得味道几好。