影片
更多
2023-05-26
462 浏览
难得上周日天气放晴，就立即相约朋友去烧烤，朋友住乌溪沙，话屋企附近有个海景烧烤场，咁就要去试下喇！黎到见个无敌大海景真系 “哗”咗一声，咁啱我地仲要安排坐系海边，对住个无敌大海景烧烤，真系一大享受！我地叫左五人海鲜套餐同古法吊烧鸡，套餐包埋烧烤网、钳、餐具、烧烤叉、蜜糖、胶手套、纸巾同埋炭，仲有一本好似手册嘅menu，入面除咗有各种食物价钱外，仲有埋各种食物烧烤方法同时间，跟住烧就唔会失手啦！古法吊烧鸡吊烧鸡已预早调好味，然后跟住手册教路嘅方法烧，第一次烧鸡真系好紧张，好彩火喉时间都控制得啱啱好，鸡肉烧到嫩滑多汁，调味亦唔错，少少咸香味，几好食。5人海鲜套餐套餐包括有弹牙海中虾、蒜蓉半壳带子、纽西兰半壳青口、蜜汁叉烧、蜜汁叉烧、鸡扒、猪扒、鸡中翼、、海鲜三宝丸、爆汁芝味芝士肠、鸡肉肠、台式脆皮肠、迷你日本甜薯、香甜粟米，全部都系用独立包装，方便又干净。呢到个炉好大个，所以我地决定用懒人烧烤法，将啲食物放埋系个网上面烧，容易啲控制火喉。弹牙海中虾有名俾你叫，真系好弹牙，同埋都几大只。蒜蓉半壳带子同纽西兰半壳青口，本身都已经系熟，烧返热就可以，带子有埋蒜蓉同辣椒调味，仲要有埋粉丝，制作又几
黎到见个无敌大海景真系 “哗”咗一声，咁啱我地仲要安排坐系海边，对住个无敌大海景烧烤，真系一大享受！
我地叫左五人海鲜套餐同古法吊烧鸡，套餐包埋烧烤网、钳、餐具、烧烤叉、蜜糖、胶手套、纸巾同埋炭，仲有一本好似手册嘅menu，入面除咗有各种食物价钱外，仲有埋各种食物烧烤方法同时间，跟住烧就唔会失手啦！
古法吊烧鸡
吊烧鸡已预早调好味，然后跟住手册教路嘅方法烧，第一次烧鸡真系好紧张，好彩火喉时间都控制得啱啱好，鸡肉烧到嫩滑多汁，调味亦唔错，少少咸香味，几好食。
5人海鲜套餐
套餐包括有弹牙海中虾、蒜蓉半壳带子、纽西兰半壳青口、蜜汁叉烧、蜜汁叉烧、鸡扒、猪扒、鸡中翼、、海鲜三宝丸、爆汁芝味芝士肠、鸡肉肠、台式脆皮肠、迷你日本甜薯、香甜粟米，全部都系用独立包装，方便又干净。
呢到个炉好大个，所以我地决定用懒人烧烤法，将啲食物放埋系个网上面烧，容易啲控制火喉。弹牙海中虾有名俾你叫，真系好弹牙，同埋都几大只。蒜蓉半壳带子同纽西兰半壳青口，本身都已经系熟，烧返热就可以，带子有埋蒜蓉同辣椒调味，仲要有埋粉丝，制作又几认真。
鸡扒、猪扒同鸡中翼都有唔同嘅味道，有咖喱、蒜蓉、蜜汁、黑椒同泰式，腌料份量恰到好处，完全无重口味。粟米平时通常用锡纸包住烧，好易会烧到干晒，今次我地放系个网上面烧，竟然烧到好清甜多汁，真系意外惊喜。
走嘅时间仲俾我地发现，原来门口有接驳巴士出返去乌溪沙港铁站，悭返唔少脚骨力。
张贴
