映水芙蓉 (海運大廈) (已結業)

可能因为一早订好枱, 所以被安排到一个无敌海景位, 未食野净系见到个景都嬴晒。每人会先上一杯梨子酒, 淡淡梨香配vodka, 都几易入口。 湄公鱼好大锅, 鱼肉都嫩, 唔会太辣。蚂蚁上树好好食, 一上菜就闻到好香, 粉丝香脆可口。侍应会先上红米饭, 再即场系上面淋好多虾膏。虾膏会一直系石锅滚, 等到滚完有D凝固再食, 好香虾膏味, 几好食。墨鱼饺卖相好靓, 但味道非常普通。担担面麻辣香口, 面条软硬适中, 值得一试。呢个棒棒鸡睇得又食得。侍应会即场用刀叉敲开中间既糖柱, 捞落鸡度。食落真系几惹味, 但我唔太食得辣, 呢个真系几辣。蒜泥白肉应该系全晚最令我失望既菜式。唔系肥膏既部份真系全瘦肉,  D肉好鞋。辣汁冇乜蒜味, 完全称唔上蒜泥白肉。炒椰菜好香, 几好食, 都系微辣。最后会有朱古力送, 虽然系唔同口味, 但除左辣味同酒味较明显之外, 其余都只有朱古力味。虽然价钱唔平, 但有靓景又坐得舒服, 整体感觉都几好。