品川日本料理 (已結業)

小小阴天, 其实落小小雨更加靓, 呢到窗口位系对住无敌海景, 我谂呢个系餐厅既主打!桌够大张, 食坐都舒服!非窗口位就咁样, 一样舒服, 但尽量拎窗口位感觉会好D!讲下主打菜式先, 最正应该都系牛粒嫁啦, 首先入味, 牛味浓, 调味都岩岩好, 小咸, 最紧要系唔硬, 易入口, 有D餐厅好硬, 好难咬,呢间唔会,作为主打菜岩岩好.刺身其实好多人主要都系食三文鱼, 呢到刺身系新鲜, 质素唔低,放心叫, 够鲜甜,无咩雪藏味, 小小入口即溶既感觉.!BB骨我觉得唔太入味, 而且有点难咬, 台湾肠煮得够香, 反而唔错, 不过比较油,唔好食太多.!呢到寿司反而几正下, 尤其芝士用火烧过下特别香!饭够细而且够痴, 好味!炸虾同蟹柳, 炸得好够脆,唔会太过火, 控油控得好, 最大问题反而系无比天妇罗汁我地T_T花之恋,样好似差紧D ,但味道都系正, 最后每人可以叫一杯!整体质素不错, 环境比较舒服!