品川日本料理 (已結業)

今日老公生日，我地去食他最爱嘅日式放题。 地点位于荃湾西铁站上盖海之恋商场，非常方便。环境优雅舒适，对住个海景， 令人心情放松。地方非常大，座位宽敞， 可能时间尚早嘅关系，所以人唔洗等位， 实在太好了。 而家都系用手机落单代替用纸张， 方便之余仲好环保。三文鱼刺身非常厚切，冰冻鲜甜， 鱼油香和肥美，口感一流。甜虾腐皮卷， 样貌吸引， 寿司大小适中 ，甜虾鲜甜， 再配细片青瓜和少许海胆，非常滋味。 黑松露生虾寿司， 生虾爽甜，大到遮盖全件寿司饭， 再配少许黑松露，感觉高档和惹味。比目鱼煎得非常香口而且带点金黄色，外脆内滑，腌得好惹味，好有惊喜，食完唔够要再encore!鳗鱼寿司又几过稳，配上一片梳打饼，感觉新颖呀！随意再点了好几款寿司， 呢度特别地罕有有海胆寿司和鱼籽寿司，这些寿司相对都是贵价d呀，竟然可以任食又不错㖞。天妇罗即叫即整，新鲜滚热辣，香脆粉薄，火喉刚刚好，唔会太干太浓。甜品饮品雪糕任君选择， 虽然款式唔算多，但都已经好足够，基本上都食唔晒。