小火焰韓式咖啡廳 (觀點中心) (已結業)

听女朋友讲呢间餐厅好出名，一于同佢试下。🍗炸鸡combo $68全餐最好味！有香脆嘅炸鸡软骨、炸鸡同薯条。鸡软骨唔系平时𠮶啲来货，每粒都香脆可口，调味适中。炸鸡口感依然香脆，鸡肉好多汁，辣酱嘅辣度都几高，非常惹味。🐮雪香牛骨汤锅 $128本身想叫八爪鱼锅，但当晚冇八爪鱼，所以叫咗呢个。牛仔骨比较难咬，而且汤底冇咩平时牛骨汤嘅甜味。但呢个锅有好多蔬菜同埋粉丝，够晒健康同饱肚。🧀芝士海鲜菜饼 $68海鲜份量比想像中多，有好多爽口嘅墨鱼仔。佢比起平时嘅韩式煎饼薄，所以口感都更加香脆。🥭芒果窝夫 $68呢度嘅甜品卖相精美，睇得又食得。窝夫好香脆，配上雪糕同埋芒果肉，十分之夹。☕紫薯latte $34迷人嘅紫色好适合打卡，而且味道都唔错。女朋友平时唔系好钟意食韩国嘢，但系呢餐都食得津津有味。见到佢食得开心，我都好开心呀。