祥興記上海生煎包 (已結業)

本来已经出名，米芝莲推介埋就更加多人。但呢间铺胜在 turnover 快， 好似澳牛一样，条龙好快就消化晒。先买食物后入座，1pm 去到等左 5 分钟左右就有位坐。今次叫左个特色餐，每个餐有两粒生煎包、一碗上海双档 （面筋+百叶包配上粉丝汤）加一杯饮品。乌梅汁酸酸甜甜好开胃，比起豆浆成为一个特别少少既选择。好中意食上海双档，入面个百叶包同面筋都系有包住肉，汤味鲜甜，清清地但出奇地满足。个生煎包认真不得了，我建议用食小笼包既方法，先系上面开一小洞，食到芝麻香又可以吸啜汤汁，再加啲醋入去饮埋剩底既汤。生煎包底部厚，煎脆左好香口，配埋里面粒肉丸同上层既软皮，口感三重奏而且味道浓郁，极上体验！