金華美食

营业中

休息中

同事介绍左呢间烧卖俾我，话佢啲鱼肉好弹有鱼味，于是相约揾日放工去试下。睇过其他人既食评，知道伯伯伯整蛊人，我地话要鱼蛋、烧卖同肠粉，佢问我地肠粉要咩酱，讲完之后佢话取消，我地以为佢又试整蛊人，点知讲左几次，佢话真系无呀要取消，真系笑左😂😂😂咁唯有下次早啲走，飞奔去食！鱼蛋同烧卖都试左辣同唔辣。唔辣其实都辣😂因为见佢用黎放烧卖淋豉油辣汁系面个碟系同一碟，用净个碟被沾左辣汁既豉油会再倒返落佢壶豉油，再倒返落碟再点返烧卖，够晒环保😅😅所以唔辣都会辣，但未至于辣到喷火😂🔥鱼肉质地同我系鸿运车仔面食过既烧卖应该货源一样，因为据我呢排狂食烧卖既经验，发觉只要烧卖底部有格仔纹就会系烟韧有鱼味。$7串有五粒，贵过鸿运车仔面，因为少一粒。辣既明显见到橙中带红既辣油🔥🔥🔥辣度系比唔辣高十倍！食完条脷即刻痺左！！好刺激辣到跳舞😂鱼蛋系比较少见既陈皮鱼蛋，好香鱼同陈皮味，食落唔系好弹牙，但唔会话淋bad bad或者好粉。唔辣个串都辣架喇😂不过辣个串又辣到喷火！🔥🔥🔥如果唔食得辣既人应该会火烧喉咙同脷咁！所以叫唔辣已经好够！