李記咖啡奶茶

营业中

休息中

日期：10月1日人数：3人又到左三个人去大埔揾嘢食嘅时间，今次就去咗大埔墟街市及熟食中心。上到2楼熟食中心直入行到最尾，就有呢间李记 - 有全大埔甚至可能系全香港最好食嘅西多士。李记都有供应其他多士类同粉面类嘅食品，仲有咖啡奶茶之类嘅饮品。但系因为我哋第一次嚟系慕名去试佢嘅西多士，并且一试难忘，所以以后每次来都净系食西多士同饮冻柠茶。西多士非常松软，配上牛油同埋糖胶，一咬入口有一个软绵绵嘅感觉，面包、蛋、同埋牛油糖胶嘅味道配合得天衣无缝，极度邪恶。冻柠茶方面，老板系会帮你笃埋柠檬，非常贴心。其实我哋冇专门研究佢嘅开门时间，所以有时去到系会发现佢冇开门。而我哋都会感觉佢开门嘅时间永远系一个谜。我哋对于食唔食到西多士都系随缘，食唔到西多士就食脆猪仔包(详见另一篇食评)。