影片
更多
2020-06-24
142 浏览
话说自从疫情之后，真系少咗好多出街食好嘢！难得最近好转咗咁多，就一早book咗呢间韩烧坐窗边位同男朋友望住尖沙咀个无敌靓景享受个二人晚餐❣️上到嚟果然无失望！环境好宽敞，无油烟味💨楼底好高！窗口位系落地大玻璃，可以对住个靓夜景食嘢👍🏻一开始先上咗5款开胃嘅韩式前菜：泡菜、菜心、腌制小鱼干、薯仔配萝卜、莲藕片虽然系前菜但都整得相当好食！尤其系莲藕片，非常爽口😍而且食晒可以免费再添加！饮品方面，虽然店员话俾我哋知+$25就可以任饮雪柜嘅饮品，不过我最终就冇加到，因为惊饮嘢会饮饱个肚，所以谂住都系散嗌就算了！·【日式杂菜沙律🥗】食烧肉之前，食返多啲蔬菜有助减少油分吸收！所以点份沙律就最好不过啦！沙律菜非常新鲜，有少少酸甜嘅酱汁调味！不过原来好大兜㗎，所以最后都食净咗几多吓🤭·【酱烧特选牛肋骨】真系好好好好好好食！真心认为嚟到必点👍🏻一开始系原条牛肋骨show比你睇，正确无误之后店员就会帮你好细心咁展开一块块方便你烧☺️肉质非常柔嫩，完全冇筋！而且腌得好入味，但又唔会过咸！不过切记唔好烧得太耐，因为佢都几深色，有少少难睇到佢熟未，但其实约莫每一边烧2分钟左右6成熟已经食得！当然以上时间只供参考，如
难得最近好转咗咁多，就一早book咗呢间韩烧坐窗边位同男朋友望住尖沙咀个无敌靓景享受个二人晚餐❣️
上到嚟果然无失望！环境好宽敞，无油烟味💨
楼底好高！窗口位系落地大玻璃，可以对住个靓夜景食嘢👍🏻
一开始先上咗5款开胃嘅韩式前菜：
泡菜、菜心、腌制小鱼干、薯仔配萝卜、莲藕片
虽然系前菜但都整得相当好食！尤其系莲藕片，非常爽口😍
而且食晒可以免费再添加！
饮品方面，虽然店员话俾我哋知+$25就可以任饮雪柜嘅饮品，不过我最终就冇加到，因为惊饮嘢会饮饱个肚，所以谂住都系散嗌就算了！
·
【日式杂菜沙律🥗】
食烧肉之前，食返多啲蔬菜有助减少油分吸收！所以点份沙律就最好不过啦！
沙律菜非常新鲜，有少少酸甜嘅酱汁调味！不过原来好大兜㗎，所以最后都食净咗几多吓🤭
·
【酱烧特选牛肋骨】
真系好好好好好好食！真心认为嚟到必点👍🏻
一开始系原条牛肋骨show比你睇，正确无误之后店员就会帮你好细心咁展开一块块方便你烧☺️
肉质非常柔嫩，完全冇筋！而且腌得好入味，但又唔会过咸！
不过切记唔好烧得太耐，因为佢都几深色，有少少难睇到佢熟未，但其实约莫每一边烧2分钟左右6成熟已经食得！
当然以上时间只供参考，如果唔食得太生嘅朋友记得烧耐啲啊！
·
【猪五花】
食韩烧又点少得猪五花肉呢？！
本身望落好似好肥，但烧嘅过程入面已经溶咗某部分嘅脂肪，所以食果阵又觉得啱啱好㖞👍🏻
·
【盐烧羊鞍】
男朋友钟意食羊，所以叫咗个嚟试吓！
个羊鞍都几厚肉，有羊味👍🏻
点埋烧汁食仲正！
·
【海鲜煎葱饼】
净系食烧肉硬系觉得好似唔够喉咁，所以另外我哋又叫多咗啲小食！
呢个葱饼真系超级好食！海鲜配料劲多，啖啖都食得到🤤
不过要趁热食，如果唔系冻咗会冇咁好味
·
最后点返个韩式煲试吓先
【金饍豆腐煲】
望落去颜色好红，但其实冇乜辣
入面好多配料，有豆腐、鸡蛋、肉丝、蚬肉
呢个如果配个白饭应该会好正🤣
非常好食❣️
。·
最后卖单大概千松啲，但觉得性价比好高好值！
平时去啲嘈杂又多人嘅烧肉放题，两个人加埋都要咁上下价，仲要啲肉一定冇咁好食
但呢度系对住一个无敌靓维景食嘢😍
可以慢慢食，慢慢叹！
好啱情侣撑枱脚，够晒浪漫！
·
落到楼下先见到原来佢哋外卖自取有做紧优惠！
全日主餐牌及套餐，外卖自取有半价！
真系抵㖞，等我有机会都过嚟买下先😛
张贴
