六公館

营业中

休息中

系尖沙咀嘅一个新地方，呢一个地方正正就系喺邮轮码头果一边，所以成间餐厅都系可以望到海景嘅景色，非常之漂亮。如果咁啱有邮轮经过嘅话，仲可以感受到佢𠮶庞大迫切嘅感觉。呢度嘅菜式感觉就系以中式为主，但系有少少中西合璧嘅感觉，而且佢用嘅料系比较上盛，好似你一个中式牛柳咁样，佢虽然系一个好普通嘅中式小菜，但系佢用上澳洲嘅香牛去煮，立即感觉都唔同晒，味道层次亦都提升好多。呢一个餐前小食我唔记得咗系乜嘢名，哈，但系佢系用咗好香嘅麻籽，香油去煮呢一个竹笙，冻食。又健康又开胃。七味炸豆腐，好滑嘅豆腐，外面炸到有一层脆皮在外面，洒上椒盐同埋七味粉，略有咸香，外脆内嫩。我最钟意就系呢一个海胆黑松露意大利饭，意大利饭嘅口感做得非常之好，佢嘅忌廉玉道亦都非常之足够。而且仲有淡淡的黑松露香味，最瞩目嘅就系佢上面仲有一片大大嘅加拿大海胆，非常之好味。