Route 99 (已結業)

Item: Route 99
Rating: 5
Author: agneskucc

204 食记

味道

环境

服务

卫生

抵食

5002

将军澳

$101-200

西式美国菜动物友善餐厅

163

agneskucc

等级4

111

呢几日喺宠物group度见到好多主人都带左宠物黎呢到打卡，知道呢度可以比宠物坐室内食嘢，所以一放假即刻带埋我嘅宝贝过嚟试吓。呢间route99舖面好大，门口装修得好靓，好有怀旧美式快餐店嘅感觉。平时大部份餐厅都唔俾狗狗坐室内一定要坐室外位置，原来呢度划分左宠物区同非宠物区。一入门口如果唔想有宠物骚扰嘅话，会有另一道门进入非宠物区。呢个安排实在太好，主人们可以同狗狗一齐系冷气下用餐，又唔惊骚扰其他食客。宠物区域嘅座位全部都系又大又阔嘅梳化位，好贴心咁比唔同size嘅宠物都可以好舒服咁坐埋一齐，唔使佢哋坐地下咁惨。餐厅嘅设施同环境好多地方都有介绍，咁等我讲吓佢哋嘅嘢食啦。Route99嘅餐牌主要都系美食快餐食物为主，好似burger同奄列pancake等等都系美国快餐嘅element。见到个餐牌号又去咗LA嘅感觉,而佢哋亦都有一个专比宠物嘅pet menu。相比起其他宠物有善餐厅，呢度嘅pet Menu款式都相对多。难得带埋宝贝来咁当然啦要比佢哋enjoy下。我哋叫咗一份汉堡包同埋一份三文治，餐厅负责人同我哋介绍嘅时候话佢哋都好着重宠物嘅饮食营养均衡，主要为低淀粉质高蛋白质嘅菜式，即管汉堡

呢几日喺宠物group度见到好多主人都带左宠物黎呢到打卡，知道呢度可以比宠物坐室内食嘢，所以一放假即刻带埋我嘅宝贝过嚟试吓。

18 浏览

0 赞好

0 留言

呢间route99舖面好大，门口装修得好靓，好有怀旧美式快餐店嘅感觉。平时大部份餐厅都唔俾狗狗坐室内一定要坐室外位置，原来呢度划分左宠物区同非宠物区。一入门口如果唔想有宠物骚扰嘅话，会有另一道门进入非宠物区。呢个安排实在太好，主人们可以同狗狗一齐系冷气下用餐，又唔惊骚扰其他食客。

宠物区域嘅座位全部都系又大又阔嘅梳化位，好贴心咁比唔同size嘅宠物都可以好舒服咁坐埋一齐，唔使佢哋坐地下咁惨。

29 浏览

0 赞好

0 留言

餐厅嘅设施同环境好多地方都有介绍，咁等我讲吓佢哋嘅嘢食啦。

Route99嘅餐牌主要都系美食快餐食物为主，
好似burger同奄列pancake等等都系美国快餐嘅element。见到个餐牌号又去咗LA嘅感觉,而佢哋亦都有一个专比宠物嘅pet menu。相比起其他宠物有善餐厅，呢度嘅pet Menu款式都相对多。难得带埋宝贝来咁当然啦要比佢哋enjoy下。

我哋叫咗一份汉堡包同埋一份三文治，餐厅负责人同我哋介绍嘅时候话佢哋都好着重宠物嘅饮食营养均衡，主要为低淀粉质高蛋白质嘅菜式，即管汉堡包同三文治貌似系淀粉质，但事实上佢哋系用咗鸡肉甘笋南瓜等等嘅食材去制成我哋见到嘅包同三文治。而旁边嘅薯条亦都唔系薯仔咁简单，亦系用咗鸡肉甘笋南瓜鳄鱼肉等等嘅材料制成。相比起好多餐厅嘅宠物餐单，呢度嘅食物系物有所值，好有心思，唔系就咁俾啲鸡肉粒蓝莓粒咁简单，而系精心咁设计同制作，外貌、味道同营养都咁好嘅宠物餐。我嘅宝贝食得劲开心。同埋佢地位份量都好多，好似我宝贝呢种小型狗，其实一份餐系食唔晒嘅，绝对可以约埋其他狗狗一齐share。而佢最尾要食清咗少少包，咁我都有拎嚟试吓，真系好香嘅鸡肉味，绝对真材实料，连我都觉得几好食。主子们食完咁就当然到我哋呢啲奴才食啦，因为我哋去嘅时候系夜晚所以就冇叫到waffle同pancake，但下次如果中午嚟一定会试吓佢哋嘅Waffle同pancake因为真系美国brunch嘅signature dish。

其实个Menu有好多好多嘢拣，今次我哋就先试下店员推介嘅Texas Burger 同埋 Crispy Fish Benny。

呢度嘅Texas burger真系一定要试，佢哋块牛肉汉堡真系十分juicy, 咬落去啲肉汁爆晒出黎。而上面啲bacon都好足料，唔会好干身，配合埋洋葱同芝士，每一啖都好有层次。个side薯条𠮶度我哋加$28转左Route Fries试下，原来系加左cheese同bacon, 好几值得试。
食得burger一定唔少得milkshake, 呢个系perfect combination。个人钟意朱古加味多啲，但两杯都好滑好creamy, 层whipped cream都好厚好邪恶😋

12 浏览

0 赞好

0 留言

另外我地就叫左个crispy fish benny, 好似好特别又未试过。呢个个层次感又系好分明，有几重口感系入面。最底层系鱼柳，我唔sure系咩鱼但系劲滑劲嫩劲多汁，个个都话条鱼好好食。中层就有煎/炸到好脆口嘅薯仔丝，再加顶层嘅个粒慢煮蛋，有少少似温泉蛋嘅感觉。呢三层食物夹埋一齐，又滑又脆又juicy，已经好好食，但系佢上面再有葱花同黑松露，全部野一啖放晒落口简直系味蕾嘅享受。黑松露好香再加埋洋葱带到个鱼柳本身嘅鲜味而又唔会有鱼腥味。
另外好多人都会忽略咗个side dish，呢到我要赞下佢个mash potato, 好浓好creamy好滑，好高质嘅薯蓉。

除咗burger 同埋crispy fish benny 之外我地都叫左个steak，但系可能始终佢地都系行「外卖」方式，即使一块唔错嘅steak放左系个纸兜上面点都有少少遗和感，呢块steak就中规中矩，性价比冇咁高喇。

不过整体呢间餐厅嘅菜式都算好食，装修靓不特止连食物都有番咁上下水准同诚意。亦都有好多菜式选择，下次会再黎试埋佢地嘅pancake/omelette，又多一个可以同宝贝一齐enjoy嘅地方。