影片
更多
2022-02-03
27 浏览
之前喺The Musicbox食过两次晚餐印象唔错，今次喺假期下午再帮衬，原来餐厅逢星期六、日、公众假期会有Brunch Set，亦有平时嘅a la carte menu，可以食番个丰富嘅午餐😋餐汤系creamy嘅周打汤，除咗香甜嘅粒粒粟米外仲有少少海鲜味，蒜蓉包细细块但好香脆。Caesar Salad嘅homemade caesar dressing味道调教得好好，同罗马生菜拌得均匀，加咗芝士粉、脆口嘅croutons同crispy bacon；沙律可加钱配鸡胸、辣虾或香煎牛油带子－带子轻轻煎过两面，大大粒而里面嘅肉质仲好嫩滑。依份Truffle Mushroom Ravioli真系非－常－好－食－！个truffle cream sauce好浓厚，食得出大厨有落足料，酱汁充满松露同菇菌嘅香气，满满包裹住每一旧ravioli；ravioli入面包咗口感绵绵地、粉粉地嘅ricotta cheese，重奶香但唔会太腻，我地成份连汁清晒呢🤤Steak & Eggs嘅牛扒系草饲澳洲肉眼扒，肉味浓带肉汁，点粗盐已经好好味；伴碟有几粒tater tots同车厘茄，如果系烤薯仔会更显心思；配埋份双太
之前喺The Musicbox食过两次晚餐印象唔错，今次喺假期下午再帮衬，原来餐厅逢星期六、日、公众假期会有Brunch Set，亦有平时嘅a la carte menu，可以食番个丰富嘅午餐😋
餐汤系creamy嘅周打汤，除咗香甜嘅粒粒粟米外仲有少少海鲜味，蒜蓉包细细块但好香脆。
Caesar Salad嘅homemade caesar dressing味道调教得好好，同罗马生菜拌得均匀，加咗芝士粉、脆口嘅croutons同crispy bacon；沙律可加钱配鸡胸、辣虾或香煎牛油带子－带子轻轻煎过两面，大大粒而里面嘅肉质仲好嫩滑。
依份Truffle Mushroom Ravioli真系非－常－好－食－！个truffle cream sauce好浓厚，食得出大厨有落足料，酱汁充满松露同菇菌嘅香气，满满包裹住每一旧ravioli；ravioli入面包咗口感绵绵地、粉粉地嘅ricotta cheese，重奶香但唔会太腻，我地成份连汁清晒呢🤤
Steak & Eggs嘅牛扒系草饲澳洲肉眼扒，肉味浓带肉汁，点粗盐已经好好味；伴碟有几粒tater tots同车厘茄，如果系烤薯仔会更显心思；配埋份双太阳蛋就系个perfect嘅brunch喇🍳
张贴
