Cafe 52 (已結業)

呢间餐厅嘅可取之处就系门口放咗几张枱，俾啲人可以带宠物过嚟坐喺门口。嘢食系有味嘅，意粉系热嘅班尼迪蛋系唔合格嘅，将一只烚熟咗嘅蛋放喺一块硬嘅面包上面，然后隔离再加一啲西生菜🥬同照片系不符嘅。员工好多，但系全部都系冗员。由入门口开始，已经系零招呼，自己揾位坐低，叫佢俾杯水，有say OK，但系唔会俾你，全部自己搞掂。咁啱隔离有人企咗喺度，同佢打声招呼叫佢落嘢食，佢有回应嘅，如果唔系争啲以为要自己写单😅零服务，全自助，只系争在唔需要你入厨房攞嘢食。虽然𠮶个位置唔系热闹嘅地方，不过我都建议哩间餐厅可以结业，等其他有心做嘅小店进驻。不过收枱系快手嘅，完咗先知道间嘢啲员工系会郁嘅。