星群地中海餐廳 (已結業)

我第一次入黄金海岸系为左去附近见工，朋友介绍话地中海餐厅晚餐烧猪手唔错，就试下啦！点知午餐中伏！普通茶餐厅食物，叫左个焗猪扒饭同肉酱意粉，唔知点解成间餐厅得我地两个客，职员都唔招呼我地，无水饮，叫都唔睬。餐汤只有味精味，等左好耐45 分钟后，终于两个饭到左，焗猪扒饭无咩味，猪扒好薄好鞋，饭无味道，茄汁都好干无咩味道。而肉酱意粉就太咸，无咩汁捞意粉，干哽，最惨系叫左好耐先有水饮，餐饮搞错左.... 可能我未习惯黄金海岸嘅销费，咁样百松啲蚊好贵....或者我应该听朋友话，去食晚餐好过午餐啩？下次试完晚餐再写食评。