影片
更多
2011-08-19
157 浏览
唔知食乜好, 乱打乱撞, 发现呢间楼上餐厅整日忙个不停, 今日下昼已蠢蠢欲动想食西餐, 上OP睇过食评唔多, 不过好评占大多数, 价钱又实惠, 所以胆粗粗识一识一踏入门口, 老板娘热情上前欢迎工厂区, 仲要上楼, 晚市预左唔多人, 整个场只有4台客, 座位任拣, o岩哂呢一刻想静静地食饭o既我女友拣左大鱼缸旁边的卡位, 两个人坐好阔落舒适晚餐有颇多选择, $80~$98位, 有餐汤, 主菜, 甜品, 餐饮我偷望隔离台o既主菜, 见到份量一定足够, 而且卖相不俗, 最后决定要一份大虾意粉, 一份西冷牛扒点完菜, 老板面带笑容, 拎住支红酒走过黎话请我地饮红酒, 我地当然唔客气啦, 呢支Cab Sau唔算贵价货, 入口甜, full body, 未系时候饮, 其实老板好聪明, 开两支成本几十蚊o既酒, 花费不多, 可以请哂全场食客饮, 令食客有惊喜又食得开心 relax, 一定加分 意大利菜汤 - 放左好多薯蓉, 饮完会好饱o既一个汤, 反而菜比较少 (6/10) 周打鱼汤 - 加入烟三文鱼o既忌廉汤, 唔杰唔稀, 配汤o既多士香脆, o岩我口味 (7/10) 大虾什菌香草鲜茄汁烩意大利粉
整日忙个不停, 今日下昼已蠢蠢欲动想食西餐, 上OP睇过食评唔多, 不过好评占大多数, 价钱又实惠, 所以胆粗粗识一识
一踏入门口, 老板娘热情上前欢迎
工厂区, 仲要上楼, 晚市预左唔多人, 整个场只有4台客, 座位任拣, o岩哂呢一刻想静静地食饭o既我
女友拣左大鱼缸旁边的卡位, 两个人坐好阔落舒适
晚餐有颇多选择, $80~$98位, 有餐汤, 主菜, 甜品, 餐饮
我偷望隔离台o既主菜, 见到份量一定足够, 而且卖相不俗, 最后决定要一份大虾意粉, 一份西冷牛扒
点完菜, 老板面带笑容, 拎住支红酒走过黎话请我地饮红酒, 我地当然唔客气啦, 呢支Cab Sau唔算贵价货, 入口甜, full body, 未系时候饮, 其实老板好聪明, 开两支成本几十蚊o既酒, 花费不多, 可以请哂全场食客饮, 令食客有惊喜又食得开心 relax, 一定加分
意大利菜汤 - 放左好多薯蓉, 饮完会好饱o既一个汤, 反而菜比较少 (6/10)
周打鱼汤 - 加入烟三文鱼o既忌廉汤, 唔杰唔稀, 配汤o既多士香脆, o岩我口味 (7/10)
大虾什菌香草鲜茄汁烩意大利粉 - 虾仁不算大, 爽口无雪藏味, 鲜茄汁名符其实有鲜茄味, 最值得一赞系呢道菜够热, 就算食得慢, 依然可以保持温度 (7.5/10)
美国安格斯西冷牛扒 (五成熟) 配薯角 - 卖相色彩缤纷, 好吸引, 薯角炸得脆, 牛扒有筋, 肉质死实, 有少少怀疑系咪安格斯 (5.5/10)
蓝莓芝士蛋糕 & 榛子芝士蛋糕 - 估唔到跟餐甜品都会咁大件, 蓝莓味做得唔错, 榛子味就似木糠芝士蛋糕多D, 一D榛子味都无, 但系只要系正常o既甜品, 我都钟意食 (7.5/10)
呢餐饭味道不重要, 重点系有一个舒适地方俾我抖抖气, 开开心心, 慢慢享受呢餐饭一杯红酒, 令我整个人放松哂
若果要等位, 又食到赶头赶命, 就算食物几好都冇用啦
p.s. 不收加一
张贴
