芝士冰室 (已結業)

今日同老婆同埋个女出深水埗食tea，睇咗几间，最后决定食芝士啦。 坐低睇完menu,我点咗个下午茶芝士鸡扒捞面，跟冻奶茶，老婆就叫咗芝士烟肉蛋焗通粉，餐饮upgrade 咗杯粒“粒粒爆柠水”，再加咗个芝士蒜蓉包。冻奶茶第一个到，口质薄身，无乜茶味，奶味亦都无乜。老婆杯粒粒爆柠原来系加大咁解，味道正常。芝士鸡扒捞面到，汁系橙色嘅，上面再有少少芝士粉，唔系拉丝𠮶种芝士汁。面正常，唔太淋或太硬，捞埋晒食都ok,整体唔油腻，不过个人觉得芝士味唔够。鸡扒系薄切，味道亦正常。老婆个通粉到埋，够晒热，焗溶咗嘅芝士有少少拉丝，份量足，而烟肉同蛋味道正常。整体味道同我个面无乜分别。最后个芝士蒜蓉包到埋，都系同一款汁，够热，有蒜蓉味。总结系可以一试，味道尚可。