影片
更多
2018-07-16
801 浏览
无本事做优惠，就唔好学人做，用「歧视」既眼光「钉」住顾客，连基本尊重都无！我系其中一个应用程式既付款会员，见到家香有优惠，虽然1张"买一送一"系主菜，而另1张"买一送一只"系前菜，但系自己好钟意试新野，咁啱个日一家4人系湾仔，就谂住去试下，点知....... 态度无得再差：系门口入座时问，呢个优惠今日可唔可以用，带入座𠮶位胡须哥哥，个样已经变一变，个刻我谂，可能太少人用呢个优惠，佢未黎得切反应，所以先变面啫，所以我照入去坐低，其中一位侍应表示，需要确认我可以用几个张优惠，同时，因为间舖好细，一眼睇晒，𠮶位胡须哥哥，就企系收银位置，用「歧视」既眼光「钉」住我地成台，虽然佢地真系无乜生意，但系我绝对唔系唯一顾客，我怕阻住人地收舖，所以好赶咁同老公倾食乜，无讨论走唔走，侍应返黎，表示我可以用晒两张，包括主菜及前菜，佢用手掌放左系餐牌上，表示边度系主菜，边度系前菜，当我同老公睇餐牌既时候，老公同我都发现当时侍应只手，系有放系一项目叫「肉类」，我地就有疑问「肉类」系咪都入主菜类，所以我示意有问题，其中一位侍应过黎，有的悔气话：系「主菜」，「肉类」唔系。我心谂，你只手放埋𠮶个位，好似我烦亲你咁，算
我系其中一个应用程式既付款会员，见到家香有优惠，虽然1张"买一送一"系主菜，而另1张"买一送一只"系前菜，但系自己好钟意试新野，咁啱个日一家4人系湾仔，就谂住去试下，点知.......
态度无得再差：
系门口入座时问，呢个优惠今日可唔可以用，带入座𠮶位胡须哥哥，个样已经变一变，个刻我谂，可能太少人用呢个优惠，佢未黎得切反应，所以先变面啫，所以我照入去坐低，其中一位侍应表示，需要确认我可以用几个张优惠，同时，因为间舖好细，一眼睇晒，𠮶位胡须哥哥，就企系收银位置，用「歧视」既眼光「钉」住我地成台，虽然佢地真系无乜生意，但系我绝对唔系唯一顾客，我怕阻住人地收舖，所以好赶咁同老公倾食乜，无讨论走唔走，侍应返黎，表示我可以用晒两张，包括主菜及前菜，佢用手掌放左系餐牌上，表示边度系主菜，边度系前菜，当我同老公睇餐牌既时候，老公同我都发现当时侍应只手，系有放系一项目叫「肉类」，我地就有疑问「肉类」系咪都入主菜类，所以我示意有问题，其中一位侍应过黎，有的悔气话：系「主菜」，「肉类」唔系。我心谂，你只手放埋𠮶个位，好似我烦亲你咁，算~~~~谂住唔同你地拗，食完走，而当时，个位胡须哥哥，全程都仲系「钉」住我地，你以为佢好好服务咩，谂住黎招呼我地，错！！佢全程都无过黎，连埋单都唔系佢，佢既责任只系「钉」人！
到我地叫菜，唔知系咪因为我地都叫左好多菜，唔系全部净系用"买一送一"，仲有叫3本饮品，额外仲有其他食品，落完单之后，每个侍应块面，变番正常既「颜色」，有番「正常」的笑容，可能再加上，我叫几样野，已经有两样系买晒，所以侍应都会有少少礼貌咁，叫我地拣过其他，我从来无觉得侍应需要四万咁口，但系绝对唔系「黑面」加「悔气」，仲要被「歧视」，好明显，落左单前后，改变好大~~~~
其实，如果无本事做优惠，做乜仲要一边做优惠，一边系度赶客呢！！
食物只属普通，有的叫难食：
食物质素普通，个蒜泥白肉「鞋」口，饮品配搭系特别，但系又唔系好饮，炸云吞，虽然炸得脆，皮多过酱，全程好似净系食紧云吞皮，仲有其他，都唔值得评语，普通。
总括黎讲：有唔系出色既食物素质，有咁既服务态度，唔使钱我都唔会再食，虽然，你可能话，我无优惠去食，佢地应该唔会咁差态度，但系好难怪，唔知佢地去咩标准去「歧视」客人，俾我就唔会去受气，出街食咁多次，除左街坊食肆可能预左有咁既服务态度，表面好似好高档，而又无同佢地嘈过，都可以有咁「待遇」，我都系第一次！
张贴