影片
更多
2022-06-09
68 浏览
终于完sem可以去食好嘢！今次一次过满足3个愿望，剌身+鸡煲+海鲜火锅放题，任食2.5小时(●'◡'●)ﾉ $398/位(19:00-21:00入座).🥣 炖汤入座后会先送上炖汤，味道清甜，唔会有味精嘅感觉。.🥟 厨师推介小食炸水饺大大只，外皮酥脆馅料丰富。.🐥 芝士鸡煲任食劲多芝士，上枱已经闻到好香芝士味，鸡肉用洋葱爆香过，肉质嫩滑香口，加埋拉丝芝士，浓郁惹味！任食鸡煲除咗芝士亦可以拣麻辣口味。.🦞 超级海鲜盒+火锅任食食完鸡煲就会上火锅汤底及每人一客海鲜盒。汤底有几款选择，拣咗芫茜+麻辣，汤入面仲有只龙虾头，更加鲜味。海鲜盒相当高质，有龙虾、南非鲍鱼、扇贝、虎虾及膏蟹，全部都好新鲜，厚肉有弹性，龙虾同膏蟹算多膏，鲜味十足！任食海鲜有鲍鱼、蛏子、虾蟹、斑片、花甲、生蚝等等，肉质亦新鲜，推介鲍鱼弹牙，蛏子爽滑。其他任食火锅配料都算多选择，有肉类内脏、手打墨鱼滑虾滑、蔬菜素食、丸类饺类等等。因为主攻海鲜，所以唔系试咗好多款，其中鲜滑牛、猪腰及紫菜响铃都相当不错。.🐟 剌身升级孖宝A +$688本身有送剌身拼盆，想食丰盛啲就加钱升级。时令剌身共8款，鲜活有光泽，份量亦足，如果有冰镇住就更好
.
🥣 炖汤
入座后会先送上炖汤，味道清甜，唔会有味精嘅感觉。
.
🥟 厨师推介小食
炸水饺大大只，外皮酥脆馅料丰富。
.
🐥 芝士鸡煲任食
劲多芝士，上枱已经闻到好香芝士味，鸡肉用洋葱爆香过，肉质嫩滑香口，加埋拉丝芝士，浓郁惹味！任食鸡煲除咗芝士亦可以拣麻辣口味。
.
🦞 超级海鲜盒+火锅任食
食完鸡煲就会上火锅汤底及每人一客海鲜盒。汤底有几款选择，拣咗芫茜+麻辣，汤入面仲有只龙虾头，更加鲜味。海鲜盒相当高质，有龙虾、南非鲍鱼、扇贝、虎虾及膏蟹，全部都好新鲜，厚肉有弹性，龙虾同膏蟹算多膏，鲜味十足！
任食海鲜有鲍鱼、蛏子、虾蟹、斑片、花甲、生蚝等等，肉质亦新鲜，推介鲍鱼弹牙，蛏子爽滑。
其他任食火锅配料都算多选择，有肉类内脏、手打墨鱼滑虾滑、蔬菜素食、丸类饺类等等。因为主攻海鲜，所以唔系试咗好多款，其中鲜滑牛、猪腰及紫菜响铃都相当不错。
.
🐟 剌身升级孖宝A +$688本身有送剌身拼盆，想食丰盛啲就加钱升级。时令剌身共8款，鲜活有光泽，份量亦足，如果有冰镇住就更好！象拔蚌鲜甜爽脆，剑鱼腩三文鱼腩肥美鲜嫩。
.
🧃+$20任饮纸包或罐装饮品
.
总括而言：食物质素整体唔错，海鲜新鲜之余亦处理得好干净，不过上菜唔算太快，有少少漏单。2个半钟头要食晒剌身+鸡煲+海鲜火锅真系有啲赶但就好满足！
张贴
